കൽപ്പറ്റ: ജില്ലയിൽ ഇന്നലെ 118 പേർക്ക് കൂടി കൊവിഡ് സ്ഥിരീകരിച്ചു. 30 പേർ രോഗമുക്തി നേടി. 114 പേർക്ക് സമ്പർക്കത്തിലൂടെയാണ് രോഗബാധ. മൂന്ന് ആരോഗ്യപ്രവർത്തകർക്കും രോഗം സ്ഥിരീകരിച്ചു. ടെസ്റ്റ് പോസിറ്റിവിറ്റി റേറ്റ് 6.97 ആണ്.

ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 136119 ആയി. 134462 പേർ രോഗമുക്തരായി. നിലവിൽ 808 പേരാണ് ചികിത്സയിലുള്ളത്. ഇവരിൽ 771 പേർ വീടുകളിലാണ് ഐസൊലേഷനിൽ കഴിയുന്നത്. 731 കൊവിഡ് മരണം ജില്ലയിൽ ഇതുവരെ സ്ഥിരീകരിച്ചു.
പുതുതായി നിരീക്ഷണത്തിലായ 1039 പേർ ഉൾപ്പെടെ ആകെ 7078 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 578 സാമ്പിളുകൾ ഇന്നലെ പരിശോധനയ്ക്ക് അയച്ചു.

രോഗം ബാധിച്ചവർ
ബത്തേരി 15, മാനന്തവാടി 14, കൽപ്പറ്റ 12, മീനങ്ങാടി 10, പനമരം, പുൽപ്പള്ളി 8 വീതം, മുട്ടിൽ 7, അമ്പലവയൽ 6, എടവക, കണിയാമ്പറ്റ, പൂതാടി 5 വീതം, മേപ്പാടി 4, മുള്ളൻകൊല്ലി, തവിഞ്ഞാൽ, വൈത്തിരി 3 വീതം, വെള്ളമുണ്ട 2, കോട്ടത്തറ, മൂപ്പൈനാട്, നൂൽപ്പുഴ, തൊണ്ടർനാട് ഓരോരുത്തർക്കുമാണ് സമ്പർക്കത്തിലൂടെ രോഗം സ്ഥിരീകരിച്ചത്. ഇതിനുപുറമെ ഗോവയിൽ നിന്ന് വന്ന നൂൽപ്പുഴ സ്വദേശിക്കും, ഡൽഹിയിൽ നിന്ന് വന്ന ബത്തേരി സ്വദേശിക്കും, തമിഴ്നാട്ടിൽ നിന്ന് വന്ന പുൽപ്പള്ളി, മുള്ളൻകൊല്ലി സ്വദേശികൾക്കും രോഗം സ്ഥിരീകരിച്ചു.