കൽപ്പറ്റ: ജില്ലയിൽ ഇന്നലെ 116 പേർക്ക് കൂടി കൊവിഡ് സ്ഥിരീകരിച്ചു. 86 പേർ രോഗമുക്തി നേടി. 104 പേർക്ക് സമ്പർക്കത്തിലൂടെയാണ് രോഗബാധ. മൂന്ന് ആരോഗ്യപ്രവർത്തകർക്കും രോഗം സ്ഥിരീകരിച്ചു. ടെസ്റ്റ് പോസിറ്റിവിറ്റി റേറ്റ് 8.03 ആണ്.

ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 136235 ആയി. 134548 പേർ രോഗമുക്തരായി. നിലവിൽ 837 പേരാണ് ചികിത്സയിലുള്ളത്. ഇവരിൽ 803 പേർ വീടുകളിലാണ് ഐസൊലേഷനിൽ കഴിയുന്നത്. 734 കൊവിഡ് മരണം ജില്ലയിൽ ഇതുവരെ സ്ഥിരീകരിച്ചു.
പുതുതായി നിരീക്ഷണത്തിലായ 961 പേർ ഉൾപ്പെടെ ആകെ 7438 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 742 സാമ്പിളുകൾ ഇന്നലെ പരിശോധനയ്ക്ക് അയച്ചു.

രോഗം ബാധിച്ചവർ
പനമരം, പൂതാടി 13 വീതം, ബത്തേരി 11, അമ്പലവയൽ, എടവക, വെള്ളമുണ്ട 7 വീതം, കൽപ്പറ്റ, മൂപ്പൈനാട് 6 വീതം, മുട്ടിൽ, നെന്മേനി, പുൽപ്പള്ളി 5 വീതം, മാനന്തവാടി, തൊണ്ടർനാട് 3 വീതം, കണിയാമ്പറ്റ, മീനങ്ങാടി, മേപ്പാടി, മുള്ളൻകൊല്ലി, നൂൽപ്പുഴ 2 വീതം, തവിഞ്ഞാൽ, വെങ്ങപ്പള്ളി, വൈത്തിരി ഓരോരുത്തർക്കുമാണ് സമ്പർക്കത്തിലൂടെ രോഗം സ്ഥിരീകരിച്ചത്.
ഇതിനുപുറമെ ദുബായിൽ നിന്ന് വന്ന പൂതാടി സ്വദേശിക്കും മസ്‌കറ്റിൽ നിന്ന് വന്ന വെള്ളമുണ്ട സ്വദേശിക്കും ഡൽഹിയിൽ നിന്ന് വന്ന രണ്ട് കൽപ്പറ്റ സ്വദേശികൾക്കും കർണാടകയിൽ നിന്ന് വന്ന കൽപ്പറ്റ, മുള്ളൻകൊല്ലി, പൂതാടി സ്വദേശികൾക്കും തമിഴ്നാട്ടിൽ നിന്ന് വന്ന പൂതാടി, പനമരം സ്വദേശിക്കും മഹാരാഷ്ട്രയിൽ നിന്ന് വന്ന പനമരം സ്വദേശിക്കും പഞ്ചാബിൽ നിന്ന് വന്ന വെള്ളമുണ്ട സ്വദേശിക്കും വാരണാസിയിൽ നിന്ന് വന്ന തൊണ്ടർനാട് സ്വദേശിക്കും രോഗം സ്ഥിരീകരിച്ചു.