പേരാമ്പ്ര: പള്ളിയത്ത് ഗുളികപ്പുഴ പാലത്തിന് സമീപം കോറോത്ത് കണ്ടി ഫൗസിയയുടെ തേങ്ങാക്കൂട കത്തിനശിച്ചു. കഴിഞ്ഞ ദിവസംരാത്രി ഒരു മണിയോട് കൂടിയാണ് തീപിടിച്ചത്. പേരാമ്പ്രയിൽ നിന്നും അഗ്നിശമന സേനയുടെ രണ്ട് യൂണിറ്റ് സംഭവസ്ഥലത്തെത്തി തീ നിയന്ത്രണ വിധേയമാക്കി. കൊപ്രച്ചേവിലുണ്ടായിരുന്ന തേങ്ങയും മേൽക്കൂരയും കത്തിനശിച്ചു. മുറിച്ചാണ്ടിയിൽ മുഹമ്മദ് എന്ന ആളുടെ തേങ്ങയാണ് കൂടയിലുണ്ടായിരുന്നത്. അസിസ്റ്റന്റ് സ്റ്റേഷൻ ഓഫീസർമാരായ (ഗ്രേഡ്) എ.ഭക്തവൽസലൻ, കെ.ദിലീപ് എന്നിവരുടെ നേതൃത്വത്തിലുള്ള രക്ഷാപ്രവർത്തനത്തിൽ ഫയർ ഓഫീസർമാരായ കെ സുനിൽ, എൻ.എം ലതീഷ്, പി.ആർ സോജു, പി.ആർ സത്യനാഥ്, എസ്.കെ സുധീഷ്, അജേഷ്, രാജീവൻ, ബാബു എന്നിവരും നാട്ടുകാരും പങ്കാളികളായി.