കൽപ്പറ്റ: ജില്ലയിൽ ഇന്നലെ 240 പേർക്ക് കൂടി കൊവിഡ് സ്ഥിരീകരിച്ചു. 66 പേർ രോഗമുക്തി നേടി. ടെസ്റ്റ് പോസിറ്റിവിറ്റി റേറ്റ് 12.72 ആണ്. എട്ട് ആരോഗ്യ പ്രവർത്തകർ ഉൾപ്പെടെ 223 പേർക്ക് സമ്പർക്കത്തിലൂടെയാണ് രോഗബാധ. കൂടാതെ ഇതര സംസ്ഥാനത്തിൽ നിന്നെത്തിയ 17 പേർക്കും രോഗം സ്ഥിരീകരിച്ചു.

ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 137260 ആയി. 134976 പേർ രോഗമുക്തരായി. നിലവിൽ 1288 പേരാണ് ചികിത്സയിലുള്ളത്. ഇവരിൽ 1243 പേർ വീടുകളിലാണ് ഐസൊലേഷനിൽ കഴിയുന്നത്.

756 കൊവിഡ് മരണം ജില്ലയിൽ ഇതുവരെ സ്ഥിരീകരിച്ചു. പുതുതായി നിരീക്ഷണത്തിലായ 1332 പേർ ഉൾപ്പെടെ ആകെ 10869 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 979 സാമ്പിളുകൾ ഇന്നലെ പരിശോധനയ്ക്ക് അയച്ചു.