കോഴിക്കോട്; മലയാള ചലച്ചിത്ര സൗഹൃദവേദിയുടെ ആഭിമുഖ്യത്തിൽ അളകാപുരി ഓഡിറ്റോറിയത്തിൽ നടന്ന പ്രേംനസീർ സ്മരണാഞ്ജലി മന്ത്രി അഹമ്മദ് ദേവർകോവിൽ ഉദ്ഘാടനം ചെയ്തു. ഡോ. എം.പി.അബ്ദു സമദ് സമദാനി പ്രേംനസീർ അനുസ്മരണ പ്രഭാഷണം നടത്തി. ചടങ്ങിൽ ചലച്ചിത്ര നിർമ്മാതാവ് പി.വി.ഗംഗാധരൻ, നടൻ നാരായണൻ നായർ,
നടി ഊർമ്മിള ഉണ്ണി, സാഹിത്യകാരൻ മുരളീധരപണിക്കർ, കഥാകൃത്ത് ഷിജിത് പേരാമ്പ്ര, നോവലിസ്റ്റ് നാസർ മുതുകാട്
എന്നിവർക്ക് പ്രേംനസീർ പുരസ്‌കാരങ്ങൾ വിതരണം ചെയ്തു. വിവിധ മേഖലകളിലെ പ്രതിഭകളായ
മുൻ ജില്ലാ പഞ്ചായത്ത് പ്രസിഡന്റും നടനുമായ ബാബു പറശ്ശേരി, നാടകകൃത്തും സംവിധായകനുമായ സുന്ദരൻ കല്ലായി,
തച്ചിലോട്ട് നാരായണൻ, നവീന സുഭാഷ്, മധുശങ്കർ, വി.വി.സഞ്ചീവ്, ലിഷ്ണ എൻ.സി, കൃദേഷ് വേങ്ങരി എന്നിവരെ ആദരിച്ചു.

സ്വാഗതസംഘം ചെയർമാൻ എം.വി.കുഞ്ഞാമു അദ്ധ്യക്ഷത വഹിച്ചു. ജനറൽ കൺവീനർ റഹിം പൂവാട്ടുപറമ്പ്, മുരളി ബേപ്പൂർ, പ്രകാശ് കരുമല, ഷാനവാസ് കണ്ണഞ്ചേരി എന്നിവർ പ്രസംഗിച്ചു.