കൽപ്പറ്റ: വയനാട് ജില്ലയിൽ ഇന്നലെ 1070 പേർക്ക് കൂടി കൊവിഡ് സ്ഥിരീകരിച്ചു. 214 പേർ രോഗമുക്തി നേടി. 37 ആരോഗ്യ പ്രവർത്തകർ ഉൾപ്പെടെ എല്ലാവർക്കും സമ്പർക്കത്തിലൂടെയാണ് രോഗബാധ. ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 144562 ആയി. 137360 പേർ രോഗമുക്തരായി. നിലവിൽ 5373 പേരാണ് ചികിത്സയിലുള്ളത്. ഇവരിൽ 5118 പേർ വീടുകളിലാണ് ഐസൊലേഷനിൽ കഴിയുന്നത്.

759 കൊവിഡ് മരണം ജില്ലയിൽ ഇതുവരെ സ്ഥിരീകരിച്ചു. പുതുതായി നിരീക്ഷണത്തിലായ 616 പേർ ഉൾപ്പെടെ ആകെ 15988 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 2224 സാമ്പിളുകൾ ഇന്നലെ പരിശോധനയ്ക്ക് അയച്ചു. നിലവിൽ ജില്ലയിൽ എട്ട് ആക്ടീവ് കൊവിഡ് ക്ലസ്റ്ററാണ് ഉളളത്.