ഫറോക്ക്: അശരണരായ വൃക്കരോഗികളുടെ ആശാകേന്ദ്രമായി നല്ലളത്ത് പ്രവർത്തിക്കുന്ന സൗജന്യ ഡയാലിസിസ് സെന്ററിന്റെ ധനസമാഹരണയജ്ഞത്തിന് നാളെ തുടക്കമാവും.

സെന്ററിൽ ​72 പേർക്ക് സൗജന്യ ഡയാലിസിസ് നൽകി വരുന്നുണ്ടെന്ന് ബേപ്പൂർ ഡവലപ്മെന്റ് മിഷൻ ചാരിറ്റബിൾ ട്രസ്റ്റ് ഭാരവാഹികൾ വാർത്താസമ്മേളനത്തിൽ പറഞ്ഞു. സെന്ററിന് പ്രതിമാസം 10​ ​ലക്ഷത്തോളം രൂപ വേണ്ടി വരുന്നു.

ബേപ്പൂർ മണ്ഡലത്തിലെയും ഒളവണ്ണ ഗ്രാമപഞ്ചായത്തിലെയും വീടുകളിലടക്കം 90000​ സംഭാവന കവറുകൾ നൽകും. ഫെബ്രവരി 6 ന് കവർ സംഭാവനയോടെ തിരിച്ചെടുക്കും. വാർത്താസമ്മേളത്തിൽ ട്രസ്റ്റ് ചെയർമാൻ വി.കെ.സി മമ്മദ് കോയ, കൺവീനർ കെ.ഗംഗാധരൻ, ഡയറക്ടർമാരായ ബഷീർ കുണ്ടായിത്തോട്, ഫസൽ റഹ് മാൻ എന്നിവർ സംബന്ധിച്ചു.