കൊക്കയാർ നിവാസികൾ സമരപ്പന്തലിൽ

അന്തിയുറങ്ങാൻ ഇടമില്ല

വാഗ്ദാനങ്ങൾ ഏറെയും പാഴായി

മുണ്ടക്കയം: തീ​രാ​ത്ത വേ​ദ​ന​യാ​യി 2021 കടന്നുപോയിട്ടും ത​ല​ചാ​യ്ക്കാ​നൊ​രി​ട​ത്തി​നാ​യി കൊ​ക്ക​യാ​ർ നി​വാ​സി​ക​ൾ സ​മ​ര​പ്പ​ന്ത​ലി​ൽ ത​ന്നെ​. ഉ​രു​ൾ​പൊ​ട്ട​ലു​ണ്ടാ​യ കൊ​ക്ക​യാ​റും മാ​ക്കോ​ച്ചി​യും വാ​സ​യോ​ഗ്യ​മ​ല്ലെ​ന്ന് അ​ധി​കാ​രി​ക​ൾ പ​റ​യുമ്പോൾ ഇനി എന്ത്ചെയ്യണമെന്നറിയാതെ വിഷമിക്കുകയാണ് ഇവർ.

സുരക്ഷിതമായി അന്തി ഉറങ്ങാൻ ഒ​രി​ട​ത്തി​നാ​യി ഇ​ന്നും പോ​രാ​ടു​ക​യാ​ണി​വ​ർ ഒരു ജനത. ഒ​ക്ടോ​ബ​റി​ൽ ആ​ർ​ത്തി​രമ്പിയെ​ത്തി​യ മ​ഴ​ക്കെ​ടു​തി​യും ഉ​രു​ൾ​പൊ​ട്ട​ലും കൊ​ക്ക​യാ​റി​ൽ​നി​ന്നും ക​വ​ർ​ന്ന​ത് എ​ട്ടു ജീ​വ​നു​ക​ളാ​ണ്. കൊ​ക്ക​യാ​ർ, പെ​രു​വ​ന്താ​നം മേ​ഖ​ല​യി​ൽ 183 വീ​ടു​ക​ൾ പൂ​ർ​ണ​മാ​യും 591 വീ​ടു​ക​ൾ ഭാ​ഗി​ക​മാ​യും ത​ക​ർ​ന്നു. ചെ​റു​തും വ​ലു​തു​മാ​യ 49 പാ​ല​ങ്ങ​ൾ ഒ​ഴു​കി​പ്പോ​യി. ദി​വ​സ​ങ്ങ​ളോ​ളം പ​ല ഗ്രാ​മ​ങ്ങ​ളും ഒ​റ്റ​പ്പെ​ട്ട അ​വ​സ്ഥ​യി​ലാ​യി​രു​ന്നു.

ഒ​രു രാ​ത്രി വെ​ളു​ത്ത​പ്പോ​ൾ ഇ​ത്ര​യേ​റെ ന​ഷ്ട​ങ്ങ​ൾ നേ​രി​ട്ട ഗ്രാ​മ​വാ​സി​ക​ൾ ഇ​പ്പോ​ഴും സ​മ​ര​പ്പ​ന്ത​ലി​ൽ ത​ന്നെ ക​ഴി​യേ​ണ്ടി​വ​രു​ന്ന ദ​യ​നീ​യ​ത​യാ​ണ് പു​തു​വ​ർ​ഷ​ത്തെ എ​തി​രേ​ൽ​ക്കു​ന്ന​തും. ദു​ര​ന്ത​ഭൂ​മി​യി​ൽ ഷെ​ഡ് കെ​ട്ടി​യും ദു​ര​ന്ത ഭൂ​മി​യി​ൽ​നി​ന്നും കൂ​ട്ട പ​ലാ​യാ​നം ന​ട​ത്തി​യും നി​രാ​ഹ​രം ന​ട​ത്തി​യു​മാ​ണ് ആ​ളു​ക​ൾ സ​മ​രം ചെ​യ്യു​ന്ന​ത്.

പ്ര​ള​യ ബാ​ധി​ത​രെ അ​ടി​യ​ന്ത​ര​മാ​യി സ​ഹാ​യി​ക്കു​ക, ഭ​വ​ന ര​ഹി​ത​രാ​യ​വ​രെ പു​ന​ര​ധി​വ​സി​പ്പി​ക്കു​ക, പ്ര​ള​യ​ത്തി​ൽ സ്ഥ​ലം ന​ഷ്ട​പ്പെ​ട്ട​വ​ർ​ക്കു പ​ക​രം ഭൂ​മി ന​ൽ​കു​ക, പു​വ​ഞ്ചി തൂ​ക്കു​പാ​ലം പു​ന​ർ​നി​ർ​മി​ക്കു​ക, നാ​ര​കം​പു​ഴ കു​ടി​വെ​ള്ള പ​ദ്ധ​തി പു​നഃ​സ്ഥാ​പി​ക്കു​ക, ദു​ര​ന്ത​മേ​ഖ​ല​യി​ലെ ഭൂ​മി​സം​ബ​ന്ധി​ച്ച് വ്യ​ക്ത​ത വ​രു​ത്തു​ക, പു​ല്ല​ക​യാ​റി​ന് ആ​ഴം കൂ​ട്ടു​ക തു​ട​ങ്ങി​യ ആ​വ​ശ്യ​ങ്ങ​ളു​ന്ന​യി​ച്ചാ​ണ് ര​ണ്ടാം​ഘ​ട്ട സ​മ​രം ആ​രം​ഭി​ച്ചി​രി​ക്കു​ന്ന​ത്.

പു​ത്ത​ൻ പ്ര​തീ​ക്ഷ​ക​ളോ​ടെ നാ​ടെ​ങ്ങും പു​തു​വ​ർ​ഷ​ത്തെ വരവേറ്റപ്പോൾ ത​ല​ചാ​യ്ക്കാ​നൊ​രി​ട​ത്തി​നാ​യി സ​മ​ര​പ്പ​ന്ത​ലി​ൽ കാ​ത്തി​രി​ക്കു​ക​യാ​ണി​വ​ർ. അധികാരികൾ കണ്ണുതുറന്നു സഹായിക്കണമെന്ന ഒറ്റ അപേക്ഷയെ ഇവർക്കുള്ളു.

പാറക്കല്ലിൽ

രക്തംപുരട്ടി....

സ​ർ​ക്കാ​രി​ന്‍റെ പു​ന​ര​ധി​വാ​സ പ​ദ്ധ​തി​ക​ൾ​ക്ക് കാ​ല​താ​മ​സ​മെ​ടു​ക്കു​ന്ന​താ​ണ് പ്ര​ദേ​ശ​വാ​സി​ക​ളെ പ്ര​തി​ഷേ​ധ​ത്തി​ലേയ്ക്ക് തള്ളിവിടുന്നത്. ഒ​രു​മാ​സമായി ദു​രി​ത​ബാ​ധി​ത​ർ പ്ര​തി​ഷേ​ധ സ​മ​ര​ത്തി​ലാ​ണ്.ക​ഴി​ഞ്ഞ ദി​വ​സം സമരക്കാർ ദു​ര​ന്ത ഭൂ​മി​യി​ലെ​ത്തി അ​പ​ക​ട​സാ​ദ്ധ്യ​ത​യോ​ടെ നി​ൽ​ക്കു​ന്ന പാ​റ​ക്ക​ല്ലു​ക​ൾ ഉ​രു​ട്ടി​മാ​റ്റി അ​തി​ൽ ത​ങ്ങ​ളു​ടെ ര​ക്തം പു​ര​ട്ടി വാ ​മൂ​ടി​ക്കെ​ട്ടി ജാ​ഥ​യോ​ടെ​യാ​ണ് പ്ര​തി​ഷേ​ധി​ച്ച​ത്.ഒ​ക്ടോ​ബ​ർ പ​തി​നാ​റി​നാ​ണ് കേ​ര​ള​ത്തെ​ത്ത​ന്നെ ഞെ​ട്ടി​ച്ച ഉ​രു​ൾ​പൊ​ട്ട​ലു​ണ്ടാ​യ​ത്. ദു​ര​ന്ത​മു​ണ്ടാ​യ ദി​വ​സം മു​ത​ൽ ഇ​തു​വ​രെ ദു​രി​താ​ശ്വാ​സ ക്യാമ്പുകളിൽ ത​ന്നെ​യാ​ണ് ഇ​രു​പ​ത്തി​മൂ​ന്ന് കു​ടും​ബ​ങ്ങ​ൾ ക​ഴി​യു​ന്ന​ത്.