മു​ണ്ട​ക്ക​യം : കൊ​ട്ടാ​ര​ക്ക​ര-​ദി​ണ്ഡി​ക്ക​ൽ ദേ​ശീ​യ​പാ​ത​യി​ൽ മു​പ്പ​ത്ത​ഞ്ചാം​മൈ​ൽ മു​ത​ൽ കു​ട്ടി​ക്കാ​നം വ​രെ​യു​ള്ള പാ​ത​യോ​ര​ത്ത് കാ​ട്ടു​ചെ​ടി​ക​ൾ വ​ള​ർ​ന്നതോടെ റോഡിൽ അപകട സാദ്ധ്യതയേറി

പാ​ത​യു​ടെ വ​ശ​ങ്ങ​ളി​ൽ ത​ഴ​ച്ചു വ​ള​ർ​ന്നു നി​ൽ​ക്കു​ന്ന കാ​ട്ടു​ചെ​ടി​ക​ൾ വാ​ഹ​ന യാ​ത്ര​ക്കാ​ർ​ക്ക് വ​ലിയ ബു​ദ്ധി​മു​ട്ടാ​ണ് സൃ​ഷ്ടി​ക്കു​ന്നത്.

ക​ഴി​ഞ്ഞ ഒ​ക്ടോ​ബ​റി​ലു​ണ്ടാ​യ മ​ഹാ​മാ​രി​യി​ൽ പാ​ത​യു​ടെ വ​ശ​ങ്ങ​ളി​ൽ പ​ല സ്ഥ​ല​ങ്ങ​ളി​ലും മ​ണ്ണി​ടി​ച്ചി​ലും സം​ഭ​വി​ച്ചി​ട്ടു​ണ്ട്. കാ​ട് വ​ള​ർ​ന്ന് റോ​ഡി​ലേ​ക്ക് നി​ൽ​ക്കു​ന്ന​തി​നാ​ൽ പ​ല സ്ഥ​ല​ങ്ങ​ളി​ലും ഇ​തു കാ​ണാ​ൻ ക​ഴി​യാ​തെ വാ​ഹ​ന​യാ​ത്ര​ക്കാ​ർ അ​പ​ക​ട​ത്തി​ൽ​പ്പെ​ടാ​ൻ സാ​ദ്ധ്യ​ത വ​ർ​ധി​പ്പി​ക്കു​ക​യാ​ണ്.

പാ​ത​യി​ലേ​ക്കു കാ​ട്ടു​ചെ​ടി​ക​ൾ ക​യ​റു​ന്ന​തി​നൊ​പ്പ​മാ​ണ് കാ​ടു​വെ​ട്ടി​യ​തി​ന്‍റെ ക​ണ​ക്കു​ക​ളും ക​യ​റു​ന്ന​ത്. ഓ​രോ വ​ർ​ഷ​വും ല​ക്ഷ​ക്ക​ണ​ക്കി​നു രൂ​പ ഇ​തി​നാ​യി ചെ​ല​വ​ഴി​ച്ചു എ​ന്നാ​ണ് ദേ​ശീ​യ​പാ​ത വി​ഭാ​ഗ​ത്തി​ൽ നി​ന്നും ല​ഭി​ക്കു​ന്ന രേ​ഖ​ക​ൾ പ​റ​യു​ന്ന​ത്. ക​ഴി​ഞ്ഞ നാ​ലു വ​ർ​ഷ​ത്തി​നി​ട​യി​ൽ 18 ല​ക്ഷ​ത്തോ​ളം രൂ​പ കാ​ടു​വെ​ട്ടി തെ​ളി​യി​ക്കു​ന്ന​തി​നു മാ​ത്രം വി​നി​യോ​ഗി​ച്ചെ​ന്നാ​ണ് ദേ​ശീ​യ​പാ​ത വി​ഭാ​ഗ​ത്തി​ന്‍റെ ക​ണ​ക്കു​ക​ളി​ലു​ള്ള​ത്.

റോ​ഡി​ന്‍റെ പ​ല​സ്ഥ​ല​ങ്ങ​ളി​ലും നി​ർ​മാ​ണ പ്ര​വ​ർ​ത്ത​ന​ങ്ങ​ൾ ന​ട​ന്നു​കൊ​ണ്ടി​രു​ന്ന കാ​ല​യ​ള​വി​ൽ പോ​ലും കാ​ട് വെ​ട്ടി​ന്‍റെ പേ​രി​ൽ തു​ക വ​ക മാ​റ്റി​യി​ട്ടു​ണ്ട്. മ​ണ്ണി​ടി​ഞ്ഞു​വീ​ണ് അ​പ​ക​ടാ​വ​സ്ഥ​യി​ലാ​യ റോ​ഡി​ന്‍റെ വ​ശ​ങ്ങ​ളി​ലെ ന​വീ​ക​ര​ണ​പ്ര​വ​ർ​ത്ത​ന​ങ്ങ​ൾ ന​ട​ത്താ​ത്ത ദേ​ശീ​യ​പാ​ത വി​ഭാ​ഗം അ​ധി​കാ​രി​ക​ളു​ടെ ന​ട​പ​ടി​ക്കെ​തി​രെ ശ​ക്ത​മാ​യ പ്ര​തി​ഷേ​ധ​മാ​ണ് ഉ​യ​രു​ന്ന​ത്.