വൈക്കം : കുടവെച്ചൂർ വടക്കുംഭാഗം 946ാം നമ്പർ എൻ.എസ്.എസ് കരയോഗത്തിന്റെ നേതൃത്വത്തിൽ മന്നം ജയന്തി ആഘോഷവും കുടുംബസംഗമവും നടത്തി. മന്നം ജയന്തി ആഘോഷം പഞ്ചായത്ത് പ്രസിഡന്റ് കെ.ആർ ഷൈലകുമാർ ഉദ്ഘാടനം ചെയ്തു. കരയോഗം പ്രസിഡന്റ് ജി. മനോജ് അദ്ധ്യക്ഷത വഹിച്ചു. യൂണിയൻ പഞ്ചായത്ത് കമ്മ​റ്റി പ്രസിഡന്റ് എൻ.ജി ബാലചന്ദ്രൻ ജയന്തി സന്ദേശം നല്കി. കരയോഗം സെക്രട്ടറി എസ്.എ രാജു, പഞ്ചായത്ത് മെമ്പർ എസ്. ബീന, വനിതാ സമാജം പ്രസിഡന്റ് പ്രേമ, കരയോഗം ട്രഷറർ എൻ. ശ്രീനാഥ് എന്നിവർ പ്രസംഗിച്ചു. കുടുംബസംഗമത്തിൽ വൈക്കം പൊലീസ് സ്‌​റ്റേഷനിലെ പി.ആർ.ഒ ​റ്റി. ആർ മോഹനൻ ''സൈബർ ലോകവും ചതിക്കുഴികളും'' വിഷയത്തെക്കുറിച്ച് ബോധവത്ക്കരണ ക്ലാസ് എടുത്തു. കരയോഗത്തിന്റെ പദ്ധതികളായ എൻഡോവ്‌മെന്റ്, ചികിത്സാ ധനസഹായം, പെൻഷൻ എന്നിവയുടെ വിതരണവും നടത്തി.