പാലാ : കത്തീഡ്രൽ പള്ളിയിലെ ദനഹാ തിരുനാൾ ഇന്നും നാളെയും നടക്കും. അഞ്ചിന് രാവിലെ 5.30നും 6.45നും വി. കുർബാന, നൊവേന. വൈകിട്ട് 5ന് ആഘോഷമായ വി.കുർബാന, സന്ദേശം, നൊവേന. 6.45ന് പുറത്ത് നമസ്‌കാരം പാലാ രൂപതാ ബിഷപ്പ് മാർ ജോസഫ് കല്ലറങ്ങാട്ട് കാർമ്മികത്വം വഹിക്കും. രാക്കുളി, മാർഗ്ഗംകളി, സ്‌നേഹവിരുന്ന് എന്നിവ നടക്കും. പ്രധാന തിരുനാൾ ദിനമായ ആറിന് രാവിലെ 5.30ന് വി. കുർബാന, നൊവേന. തുടർന്ന് തോമ്മാസ്ലീഹായുടെ തിരുസ്വരൂപം പരസ്യവണക്കിനായി പ്രതിഷ്ഠിക്കുന്നു. 6.45ന് വി. കുർബാന, നൊവേന. 10.00ന് ആഘോഷമായ വി. കുർബാന ബിഷപ്പ് മാർ ജേക്കബ് മുരിക്കൻ കാർമ്മികത്വം വഹിക്കും. രൂപതയിലെ നവവൈദികർ സഹകാർമ്മികരാകും. ഉച്ചകഴിഞ്ഞ് മൂന്നിന് ചെണ്ടമേളം, ബാന്റുമേളം, 4.30ന് ആഘോഷമായ തിരുനാൾ കുർബാന, സന്ദേശം ബിഷപ്പ് മാർ തോമസ് തറയിൽ കർമ്മികത്വം വഹിക്കും. 6.15ന് തിരുനാൾ പ്രദക്ഷിണം ചരിത്രപ്രസിദ്ധമായ മലയുന്ത് നടക്കും. 8.15ന് ആകാശവിസ്മയം. ഏഴിന് രാവിലെ 5.30നും 6.45നും വി. കുർബാന, തുടർന്ന് ഒപ്പീസ്, തിരുസ്വരൂപ പുനപ്രതിഷ്ഠ എന്നിവയാണ് പ്രധാന പരിപാടികൾ.