പൊൻകുന്നം:ചിറക്കടവ് വെള്ളാളസമാജം സ്കൂളിലെ പശുകിടാവ് പദ്ധതിയിൻ പശുകിടാവ് കിങ്ങിണിയെ 4ാം ക്ലാസിലെ ഹർഷിത ഏറ്റുവാങ്ങി. സ്‌കൂളിൽ നടന്ന ചടങ്ങിൽ മാതാപിതാക്കളും പങ്കെടുത്തു.

പശുവളർത്തലും കൃഷിയും പ്രോത്സാഹിപ്പിക്കുന്നതിന്റെ ഭാഗമായി നടപ്പിലാക്കിയ പദ്ധതിയനുസരിച്ച് അഞ്ചാമത്തെ പശുകിടാവിനെയാണ് ഈ വർഷം നൽകിയത്. മൂന്നു വർഷം മുൻപ് സ്‌കൂളിൽ നിന്ന് ലഭിച്ച പശുകിടാവിനെ വളർത്തി ഉപജീവനമാർഗ്ഗമായി സ്വീകരിച്ച 3ാം ക്ലാസിലെ അഭികൃഷ്ണാ രതീഷിന്റെ മാതാപിതാക്കളാണ് കിങ്ങിണി പശുകിടാവിനെ സ്‌കൂളിലേക്ക് നൽകിയത്. വികസനസമിതി ചെയർമാൻ ടി.പി രവീന്ദ്രൻപിള്ള പശുകിടാവിനെ ഹർഷിതക്ക് സമ്മാനിച്ചു.സ്കൂൾ മാനേജർ സുമേഷ് ശങ്കർ പുഴയനാൽ അദ്ധ്യക്ഷത വഹിച്ചു. സമ്മേളനം ഗ്രാമപഞ്ചായത്തംഗം ശ്രീലതാ സന്തോഷ് ഉദ്ഘാടനം ചെയ്തു. ചികിത്സാ സഹായവിതരണം എം.എൻ.രാജരത്‌നം നിർവഹിച്ചു. പ്രധാനാദ്ധ്യാപിക എം.ജി സീന,സെക്രട്ടറി വി.എസ്.വിനോദ് കുമാർ,സി.ആർ.സുജാത, എസ്.ബിന്ദുമോൾ, ബി.ശ്രീരാജ്,വി.എൻ ഹരികൃഷ്ണൻ,എസ്.ശ്രീകല എന്നിവർ പ്രസംഗിച്ചു.പി.എൻ.സിജു,ഷൈമ രതീഷ്,ആർ.പ്രിയങ്ക,ബി സന്തോഷ്,അജ്ഞലി ജയകുമാർ,അനശ്വര കൃഷ്ണ എന്നിവർ നേതൃത്വം നൽകി.