തലയോലപ്പറമ്പ് : എസ്.എൻ.ഡി.പി യോഗം കെ.ആർ നാരായണൻ സ്മാരക തലയോലപ്പറമ്പ് യൂണിയനിൽ പ്രീമാര്യേജ് കൗൺസിലിംഗ് കോഴ്‌സിന്റെ ഉദ്ഘാടനം യൂണിയൻ പ്രസിഡന്റ് ഇ.ഡി പ്രകാശൻ നിർവഹിച്ചു. യൂണിയൻ സെക്രട്ടറി എസ്.ഡി സുരേഷ് ബാബു അദ്ധ്യക്ഷത വഹിച്ചു. വെള്ളൂർ ഗ്രാമപഞ്ചായത്ത് വൈസ് പ്രസിഡന്റും വനിതാസംഘം പ്രസിഡന്റുമായ ജയ അനിൽ മുഖ്യപ്രസംഗം നടത്തി. ഡോ. ഗ്രേസ് ലാൽ ക്ലാസുകൾ നയിച്ചു. യൂണിയൻ കൗൺസിലർമാരായ കെ.എസ് അജീഷ്‌കുമാർ, യു. എസ് പ്രസന്നൻ, ഇ. കെ സുരേന്ദ്രൻ, വനിതാസംഘം സെക്രട്ടറി ധന്യ പുരുഷോത്തമൻ, രാജി ദേവരാജൻ, സലിജ അനിൽകുമാർ, ഓമന രാമകൃഷ്ണൻ, വത്സമോഹൻ, ആശ അനീഷ്, ശ്രീകല വി.ആർ, ശ്രീദേവി പ്രസന്നൻ എന്നിവർ പ്രസംഗിച്ചു.