പാലാ: ശ്രീനാരായണ ഗുരുദേവന്റെ തൃക്കൈകളാൽ പ്രതിഷ്ഠിതമായ ഇടപ്പാടി ആനന്ദഷണ്മുഖ ക്ഷേത്രത്തിലെ മകരപ്പൂയ മഹോത്സവം നാളെ കൊടിയേറും. ശിവഗിരി മഠം പ്രസിഡന്റ് സ്വാമി സച്ചിദാനന്, സ്വാമി ശാരദാനന്ദ, സ്വാമി ഗുരുപ്രസാദ്, ക്ഷേത്രം തന്ത്രി ജ്ഞാനതീർത്ഥ, മേൽശാന്തി സനീഷ് വൈക്കം എന്നിവരുടെ നേതൃത്വത്തിലാണ് കൊടിയേറ്റുത്സവം.
12ന് രാവിലെ 5.30 മഹാഗണപതിഹോമം, തുടർന്ന് ഗുരുപൂജ, ശിവപൂജ, 10ന് കലശാഭിഷേകം, വൈകിട്ട് 6ന് ശിവഗിരി മഠാധിപതിക്കും മറ്റു സ്വാമിമാർക്കും സ്വീകരണം, തുടർന്ന് ദീപാരാധന, ദീപക്കാഴ്ച.
രാത്രി 7.30 നും 8.15നും മധ്യേ കാർത്തിക നക്ഷത്രത്തിൽ കൊടിയേറ്റ് . തുടർന്ന് പുഷ്പാഭിഷേകം, 8.45ന്‌ സാംസ്‌കാരിക സമ്മേളനം.

13 മുതൽ 16 വരെ തീയതികളിൽ രാവിലെ 5 ന് മഹാഗണപതിഹോമം, 8.30ന് കാഴ്ചശ്രീബലി (പല്ലക്കിൽ എഴുന്നള്ളത്ത്) 9ന് കലശം, കലശാഭിഷേകം, വൈകിട്ട് 6 ന് രഥത്തിൽ കാഴ്ചശ്രീബലി എഴുന്നള്ളത്ത്, 6.45ന് ദീപാരാധന, ഭജന, 7.15ന് രഥത്തിൽ വിളക്കിനെഴുന്നള്ളത്ത്, 8ന് അത്താഴപൂജ.

13ന് രാത്രി 7.30ന് ഫ്‌ളൂട്ട് ഫ്യൂഷൻ, 14ന് വൈകിട്ട് 7.30ന് മേവിട നൂപുര ഭജൻസിന്റെ ഭക്തിഗാനമഞ്ജരി, 15ന് രാത്രി 7.30ന് ഇടപ്പാടി തരംഗിണി മ്യൂസിക്കിന്റെ ഭക്തിഗാനമേള, 16ന് രാത്രി 7.30ന് വയലിൻ ഫ്യൂഷൻ.

17ന് രാവിലെ 8.30ന് കാഴ്ചശ്രീബലി, പറയെടുപ്പ്, 9ന് ശ്രീഭൂതബലി, കലശം, കലശാഭിഷേകം, വൈകിട്ട് 5 ന് കാഴ്ചശ്രീബലി, 6.45 ന് വിശേഷാൽ ദീപാരാധന, സമൂഹപ്രാർത്ഥന, 7.30 ന് ഭരണങ്ങാനം സാന്ദീപനി സംഗീതവിദ്യാലയത്തിന്റെ കീർത്തനസന്ധ്യ, 11ന് നടക്കുന്ന പള്ളിനായാട്ട് പുറപ്പാടിന് അരീപ്പാറ എ.പി. രവീന്ദ്രൻ നേതൃത്വം നൽകും. 11.30 ന് പള്ളിക്കുറുപ്പ്.

18ന് രാവിലെ 6ന് ഗണപതിഹോമം, ഗുരുപൂജ, ശിവപൂജ, 10ന് പ്രഭാഷണം, 11 ന് കാവടിയഭിഷേകം, 2.30 ന് കൊടിയിറക്ക്, ആറാട്ട് പുറപ്പാട്, കൊടിമരച്ചുവട്ടിൽ പറയെടുപ്പ്.
4ന് വിലങ്ങുപാറ കടവിൽ ആറാട്ട്, 5ന് ഭരണങ്ങാനം ശ്രീകൃഷ്ണ സ്വാമി ക്ഷേത്രകവാടത്തിൽ ആറാട്ട് ഘോഷയാത്രയ്ക്ക് സ്വീകരണം, ഇറക്കിപൂജ, ദീപാരാധന, 6.30ന് രമ്യ ജോഷി കോട്ടയത്തിന്റെ സംഗീതസദസ്, 7.30ന് ആറാട്ടുഘോഷയാത്രയ്ക്ക് ഇടപ്പാടി കവലയിൽ വഴനേക്കാവ് ദേവസ്വം വക സ്വീകരണം. തുടർന്ന് ആറാട്ടുവരവ്, ആറാട്ടുവിളക്ക്, വലിയ കാണിക്ക, കൊടിക്കീഴിൽ പറയെടുപ്പ്, കലശം.