പാലാ: ഇടപ്പാടി ആനന്ദഷണ്മുഖ ക്ഷേത്രത്തിലെ മകരപ്പൂയ മഹോത്സവ ഭാഗമായുള്ള പള്ളിവേട്ട ഇന്ന് നടക്കും. ഇന്ന് രാവിലെ 8.30ന് കാഴ്ചശ്രീബലി, പറയെടുപ്പ്, 9ന് ശ്രീഭൂതബലി, കലശം, കലശാഭിഷേകം, വൈകിട്ട് 5ന് കാഴ്ചശ്രീബലി, 6.45ന് വിശേഷാൽ ദീപാരാധന, സമൂഹപ്രാർത്ഥന, 7.30ന് ഭരണങ്ങാനം സാന്ദീപനി സംഗീതവിദ്യാലയത്തിന്റെ കീർത്തനസന്ധ്യ, 11ന് നടക്കുന്ന പള്ളിനായാട്ട് പുറപ്പാടിന് അരീപ്പാറ എ.പി. രവീന്ദ്രൻ നേതൃത്വം നൽകും. 11.30ന് പള്ളിക്കുറുപ്പ്. നാളെ രാവിലെ 6ന് ഗണപതിഹോമം, ഗുരുപൂജ, ശിവപൂജ, 10ന് പ്രഭാഷണം, 11ന് കാവടിയഭിഷേകം, 2.30ന് കൊടിയിറക്ക്, ആറാട്ട് പുറപ്പാട്, കൊടിമരച്ചുവട്ടിൽ പറയെടുപ്പ്. 4ന് വിലങ്ങുപാറ കടവിൽ ആറാട്ട്, ആറാട്ടുസന്ധ്യ, 5ന് ഭരണങ്ങാനം ശ്രീകൃഷ്ണ സ്വാമി ക്ഷേത്രകവാടത്തിൽ ആറാട്ട് ഘോഷയാത്രയ്ക്ക് സ്വീകരണം, ഇറക്കിപൂജ, ദീപാരാധന, 6.30ന് രമ്യ ജോഷി കോട്ടയത്തിന്റെ സംഗീതസദസ്, 7.30ന് ആറാട്ടുഘോഷയാത്രയ്ക്ക് ഇടപ്പാടി കവലയിൽ വഴനേക്കാവ് ദേവസ്വം വക സ്വീകരണമുണ്ട്. തുടർന്ന് ആറാട്ടുവരവ്, ആറാട്ടുവിളക്ക്, വലിയ കാണിക്ക, കൊടിക്കീഴിൽ പറയെടുപ്പ്, കലശം.