എ​രു​മേ​ലി: ഉ​ദ്ഘാ​ട​നം കഴിഞ്ഞ് ഒ​രു വ​ർ​ഷം പി​ന്നി​ട്ടി​ട്ടും ചെ​മ്പ​ക​പ്പാ​റ​യി​ൽ വൃ​ദ്ധ​സ​ദ​ന​ത്തോ​ടു ചേ​ർ​ന്നു​ള്ള എ​രു​മേ​ലി പ​ഞ്ചാ​യ​ത്തി​ന്‍റെ ഷീ ​ഹോ​സ്റ്റ​ൽ അടഞ്ഞുതന്നെ. 40 ല​ക്ഷം രൂ​പ ചെ​ല​വി​ട്ട് നി​ർ​മ്മി​ച്ച ഷീ ​ഹോ​സ്റ്റ​ൽ 2020 ഒ​ക്‌ടോബ​ർ പ​ത്തി​നാ​ണ് ഉ​ദ്ഘാ​ട​നം ചെ​യ്ത​ത്. ഉ​ദ്ഘാ​ട​നം ത​ട്ടി​ക്കൂ​ട്ട് പ​രി​പാടിയാണെന്ന് ആരോപിച്ച് ബി​.ജെ.​പി പ്ര​വ​ർ​ത്ത​ക​ർ രംഗത്തെത്തിയിരുന്നു. ഉദ്ഘാടനം നടത്തിയെങ്കിലും കെ​ട്ടി​ട​ത്തി​ൽ ഉ​പ​ക​ര​ണ​ങ്ങ​ളൊ​ന്നും സ​ജ്ജ​മാ​ക്കി​യി​രു​ന്നി​ല്ല. ഉ​ദ്ഘാ​ട​ന​ത്തോ​ടൊ​പ്പം ത​ന്നെ ധൃ​തി​യി​ൽ നി​യ​മ​ന​ങ്ങ​ളും ന​ട​ത്തി​യി​രു​ന്നു. ഷീ ​ഹോ​സ്റ്റ​ലി​ലേ​ക്ക് കെ​യ​ർ​ടേ​ക്ക​ർ, കു​ക്ക​ർ, വാ​ച്ച​ർ, ശു​ചീ​ക​ര​ണ ജീ​വ​ന​ക്കാ​ർ തു​ട​ങ്ങി​യ​വ​രെ​യാ​ണ് നി​യ​മി​ച്ച​ത്. എ​ന്നാ​ൽ, നി​യ​മ​നം കി​ട്ടി​യ​വ​ർ​ക്ക് നി​രാ​ശ​യാ​യി​രു​ന്നു ഫ​ലം. പ്ര​വ​ർ​ത്ത​നം തു​ട​ങ്ങാ​ത്തത് മൂ​ലം ഇ​വ​ർ​ക്ക് ജോ​ലി​യി​ൽ പ്ര​വേ​ശി​ക്കാ​ൻ ക​ഴി​ഞ്ഞി​ട്ടില്ല. ഇ​പ്പോ​ഴ​ത്തെ ഭ​ര​ണ​സ​മി​തി അം​ഗീ​കാ​രം ന​ൽ​കാത്ത സാഹചര്യത്തിൽ ഈ ​നി​യ​മ​ന​ങ്ങ​ൾ റ​ദ്ദാ​യ അ​വ​സ്ഥ​യി​ലാ​ണ്. ര​ണ്ട് സിം​ഗി​ൾ മു​റി​ക​ൾ, ര​ണ്ട് ഡ​ബി​ൾ മു​റി​ക​ൾ, അ​ടു​ക്ക​ള, ഡൈ​നിം​ഗ് ഹാ​ൾ, പ്ര​വേ​ശ​ന ഹാ​ൾ, ഓ​ഫീ​സ് മു​റി, ശൗ​ചാ​ല​യം എ​ന്നി​വ​യു​ൾ​പ്പെ​ടു​ന്ന കെ​ട്ടി​ട സ​മു​ച്ച​യ​മാ​ണ് ഷീ ​ഹോ​സ്റ്റ​ലി​നാ​യി നി​ർ​മ്മിച്ചത്. വ​നി​ത​ക​ൾ​ക്ക് നി​ർ​ഭ​യം താ​മ​സി​ക്കാ​ൻ കു​റ​ഞ്ഞ ചെ​ല​വി​ൽ സു​ര​ക്ഷി​ത​മാ​യ സൗ​ക​ര്യം ഒ​രു​ക്കു​ക എ​ന്ന​താ​ണ് ഷീ ​ഹോ​സ്റ്റ​ലി​ലൂ​ടെ ല​ക്ഷ്യ​മി​ട്ടി​രു​ന്ന​ത്.

ഫണ്ടാണ് പ്രശ്നം

ന​ട​ത്തി​പ്പി​ന് മാ​സംതോ​റും ജീ​വ​ന​ക്കാ​ർ​ക്ക് വേ​ത​നം, വൈ​ദ്യു​തി വാ​ട​ക ഉൾപ്പെടെ വലിയയൊരു തു​ക ചെ​ല​വി​ടേ​ണ്ടി വ​രും. ഈ ​തു​ക പ​ഞ്ചാ​യ​ത്ത് ഫ​ണ്ടി​ൽ നിന്ന് കണ്ടെത്തണം. ഇത് സം​ബ​ന്ധി​ച്ച് ഇപ്പോഴും അ​നി​ശ്ചി​ത​ത്വം നിലനിൽക്കുകയാണ്.