പാലാ: എസ്.എൻ.ഡി.പി യോഗം അരീക്കര 157ാം നമ്പർ ശാഖയിലെ ശ്രീനാരായണ സുബ്രഹ്മണ്യസ്വാമി ക്ഷേത്രത്തിലെ മകരചതയ മഹോത്സവത്തിന് നാളെ കൊടിയേറുമെന്ന് പ്രസിഡന്റ് ഷാജി അമ്മായികുന്നേൽ, സെക്രട്ടറി സന്തോഷ് പൊട്ടക്കാനാൽ എന്നിവർ അറിയിച്ചു. ഇന്ന് വൈകിട്ട് 5ന് ആചാര്യവരണം, പഞ്ചപുണ്യാഹം, നാളെ വൈകിട്ട് 6.15ന് ദീപാരാധന, ദീപക്കാഴ്ച, ദീപാരാധനയ്ക്ക് ശേഷം തന്ത്രി മേലുകാവ് ഘടാനാനന്ദ നാദപാദ തീർത്ഥരുടെയും മേൽശാന്തി മുത്തോലപുരം പീതാംബരൻ ശാന്തികളുടെയും അനിൽ ശർമ്മയുടെയും നേതൃത്വത്തിൽ കൊടിയേറ്റ് നടക്കും.
30ന് രാവിലെ 5.30ന് മഹാഗണപതിഹോമം, വൈകിട്ട് 6.30ന് ദീപാരാധന, ദീപക്കാഴ്ച, മുളപൂജ. ഇതേപരിപാടികൾ ഫെബ്രുവരി 1 വരെ തുടരും. ഫെബ്രുവരി 1ന് രാത്രി 9ന് പള്ളിവേട്ട. ഫെബ്രുവരി 2ന് രാവിലെ 5.30 ന് മഹാഗണപതിഹോമം, 1ന് അന്നദാനം, വൈകിട്ട് 5ന് വെളിയന്നൂർ പെരുമറ്റം മഹാദേവക്ഷത്രക്കടവിലേക്ക് ആറാട്ട് പുറപ്പാട്, രാത്രി 7ന് ആറാട്ട് വരവേൽപ്, കൊടിയിറക്കൽ, കലശാഭിഷേകം, വലിയകാണിക്ക, ശ്രീഭൂതബലി.