കോട്ടയം: മാർക്ക് ലിസ്റ്റിനും പ്രൊവിഷണൽ സർട്ടിഫിക്കറ്റിനും വിദ്യാർത്ഥിനിയിൽ നിന്ന് കോഴ വാങ്ങിയ കേസിൽ യൂണിവേഴ്സിറ്റി അസിസ്റ്റന്റ് സി.ജെ. എൽസി അറസ്റ്റിലായ പശ്ചാത്തലത്തിൽ സംഭവത്തെക്കുറിച്ച് അന്വേഷിക്കാൻ എം.ജി. യൂണിവേഴ്സിറ്റി സിൻഡിക്കേറ്റ് നാലംഗ സമിതിയെ ചുമതലപ്പെടുത്തി.

സിൻഡിക്കേറ്റ് അംഗങ്ങളായ ഹരികൃഷ്ണൻ,​ ഡോ. ബി. കേരളവർമ,​ ‌ഡോ. എ.ജോസ്,​ ഡോ.ഷാജിലാബീവി എന്നിവരാണ് അന്വേഷണം നടത്തുക. പരീക്ഷാ ഭവനിലും ഇടനാഴികളിലും കാമറയും മാഗ്നറ്റിക് വാതിലുകളും സ്ഥാപിക്കാനും തീരുമാനിച്ചു.

മൂന്ന് വർഷത്തിൽ കൂടുതലായി ഒരേ സീറ്റിൽ ജോലി ചെയ്യുന്നവരെ മറ്റു ബ്രാഞ്ചുകളിലേയ്ക്ക് മാറ്റും. സെക്ഷൻ ഓഫീസർമാരുടേയും സ്റ്റാറ്റ്യൂട്ടറി ഓഫീസർമാരുടേയും ജോലി നിരീക്ഷിക്കാൻ ബ്രാഞ്ച് ഓഫീസർമാരെ ചുമതലപ്പെടുത്തി. അറ്റൻഡൻസിന്റെ കാര്യത്തിൽ ബയോമെട്രിക് സംവിധാനം കുറ്റമറ്റതാക്കും. ഓഫീസ് സമയക്രമം പാലിക്കാത്തവർക്കെതിരെ നടപടിക്ക് രജിസ്ട്രാറെ ചുമതലപ്പെടുത്തി. ഫ്രണ്ട് ഓഫീസ് സംവിധാനം ശക്തിപ്പെടുത്തും. കെട്ടിക്കിടക്കുന്ന മാർക്ക് ലിസ്റ്റും സർട്ടിഫിക്കറ്റും എത്രയും വേഗം നൽകാനും യോഗം തീരുമാനിച്ചു.

 പ്രമോഷന് യൂണിയൻ ഇടപെടൽ

എൽസിയെ പ്യൂൺ തസ്തികയിൽ നിന്ന് പ്രമോഷൻ നൽകി അസിസ്റ്റന്റ് തസ്തികയിൽ നിയമിക്കാൻ

ഇടത് അനുകൂല സംഘടനയായ മഹാത്മാ ഗാന്ധി യൂണിവേഴ്സിറ്റി എംപ്ളോയീസ് അസോസിയേഷനും ഇടപെട്ടു. 2016 ജൂലായ് 14നാണ് കൂടുതൽ ഒഴിവ് കണ്ടെത്തണമെന്നാവശ്യപ്പെട്ട് അസോസിയേഷൻ വി.സിക്ക് കത്ത് നൽകിയത്. തുടർന്ന് 2017ൽ കൂടുതൽ ഒഴിവുകൾ സൃഷ്ടിക്കുകയായിരുന്നു.

 7 കാര്യങ്ങൾ അന്വേഷിക്കും

1. 2020 ജനുവരി ഒന്നു മുതൽ എം.ബി.എ സെക്ഷനിൽ നടന്ന പരീക്ഷാ ജോലികൾ

2. റിസൾട്ട് വന്നതിന് ശേഷമുള്ള തെറ്റുതിരുത്തലുമായി ബന്ധപ്പെട്ട വിഷയങ്ങൾ

3. എം.ബി.എ സെക്ഷനിലെ മുഴുവൻ നടപടികളും

4. പരീക്ഷാ ഭവനിലെ അസിസ്റ്റന്റ് സെക്ഷൻ ഓഫീസറായി ഒരു ജീവനക്കാരൻ തുടരുന്ന സാഹചര്യം

5. റിസൾട്ട് പ്രസിദ്ധീകരിച്ചിട്ടും ലഭ്യമാവാത്തതിന്റെ കാരണം

6. ഓരോ സെക്ഷനിലെയും പെൻഡിംഗ് ഫയലുകൾ

7. മേഴ്സി ചാൻസ് പരീക്ഷാ ഫലം പ്രസിദ്ധീകരിക്കുന്ന രീതി

'' എൽസിക്ക് പ്രമോഷൻ നൽകിയത് നിയമപ്രകാരമാണ്. അനദ്ധ്യാപക തസ്തികകളിലെ നിയമനം പി.എസ്.സിക്ക് വിട്ടതിന് മുൻപാണ് പ്രമോഷൻ നൽകിയത്. നടപടിക്രമങ്ങളുടെ ഭാഗമായാണ് സെക്ഷൻ ഓഫീസറെയും​ അസിസ്റ്റന്റ് രജിസ്ട്രാറെയും മറ്റ് സെക്ഷനുകളിലേയ്ക്ക് സ്ഥലംമാറ്റയത്''

- പ്രൊഫ. സാബു തോമസ്,

വൈസ് ചാൻസലർ

കൈ​ക്കൂ​ലി​ക്കേ​സ് ​:​ ​യൂ​ണി​വേ​ഴ്സി​റ്റി​ ​രേ​ഖ​ക​ൾ​ ​ശേ​ഖ​രി​ച്ച് ​വി​ജി​ല​ൻ​സ്

കോ​ട്ട​യം​:​ ​കൈ​ക്കൂ​ലി​ക്കേ​സി​ൽ​ ​സി.​ജെ.​ ​എ​ൽ​സി​ ​അ​റ​സ്റ്റി​ലാ​യ​തി​നു​ ​പി​ന്നാ​ലെ​ ​വി​ശ​ദ​മാ​യ​ ​അ​ന്വേ​ഷ​ണ​ത്തി​ന് ​വി​ജി​ല​ൻ​സ്.​ ​ഡി​വൈ.​എ​സ്.​പി​ ​എ.​കെ.​വി​ശ്വ​നാ​ഥ​ന്റെ​ ​നേ​തൃ​ത്വ​ത്തി​ൽ​ ​ഇ​ന്ന​ലെ​ ​യൂ​ണി​വേ​ഴ്സി​റ്റി​യി​ലെ​ത്തി​ ​രേ​ഖ​ക​ൾ​ ​പി​ടി​ച്ചെ​ടു​ത്തു.​ ​എ​ൽ​സി​യു​ടെ​ ​ബാ​ങ്ക് ​ഇ​ട​പാ​‌​ടു​ക​ളും​ ​വി​ജി​ല​ൻ​സ് ​പ​രി​ശോ​ധി​ക്കു​ന്നു​ണ്ട്.​ ​മാ​ർ​ക്ക് ​തി​രു​ത്താ​ൻ​ ​ഉ​ദ്യോ​ഗ​സ്ഥ​ ​ലോ​ബി​ ​പ്ര​വ​ർ​ത്തി​ക്കു​ന്നു​ണ്ടെ​ന്ന​ ​ആ​ക്ഷേ​പ​വും​ ​അ​ന്വേ​ഷി​ക്കും.
ഇ​ന്ന​ലെ​ ​ഉ​ച്ച​യോ​ടെ​ ​സെ​ക്ഷ​നി​ലെ​ത്തി​യ​ ​വി​ജി​ല​ൻ​സ് ​സം​ഘം​ ​എ​ൽ​സി​ ​കൈ​കാ​ര്യം​ ​ചെ​യ്തി​രു​ന്ന​ ​മു​ഴു​വ​ൻ​ ​ഫ​യ​ലു​ക​ളും​ ​നി​യ​മ​ന​ ​രേ​ഖ​ക​ളും​ ​ശേ​ഖ​രി​ച്ചു.​ ​കൈ​ക്കൂ​ലി​ ​വാ​ങ്ങി​ ​മ​റ്റാ​ർ​ക്കെ​ങ്കി​ലും​ ​വ​ഴി​വി​ട്ട​ ​സ​ഹാ​യം​ ​ചെ​യ്തി​ട്ടു​ണ്ടോ,​ ​മ​റ്റ് ​ഉ​ദ്യോ​ഗ​സ്ഥ​രു​ടെ​ ​സ​ഹാ​യം​ ​ല​ഭി​ച്ചി​ട്ടു​ണ്ടോ​ ​എ​ന്നീ​ ​കാ​ര്യ​ങ്ങ​ളും​ ​പ​രി​ശോ​ധി​ക്കു​ന്നു​ണ്ട്.​ ​എ​ൽ​സി​യും​ ​പ​രാ​തി​ക്കാ​രി​യു​മാ​യു​ള്ള​ ​ഫോ​ൺ​ ​സം​ഭാ​ഷ​ണ​ത്തി​ൽ​ ​ഇ​വി​ടെ​ ​മ​റ്റു​പ​ല​ർ​ക്കും​ ​കൂ​ടി​ ​പ​ണം​ ​ന​ൽ​ക​ണ​മെ​ന്ന് ​പ​റ​യു​ന്നു​ണ്ട്.