ചണ്ഡിഗഡ്: ഹരിയാനയിലെ ക്വാറിയിലുണ്ടായ മണ്ണിടിച്ചിലിൽ നിരവധി പേരെ കാണാതായി. ഇന്ന് രാവിലെ ഹരിയാനയിലെ ഭിവാനി ജില്ലയിലുണ്ടായ അപകടത്തിൽ ഇരുപതോളം പേരെ കാണാതായെന്നാണ് റിപ്പോർട്ടുകൾ. തോഷാം ബ്ളോക്കിലെ ദാദം ഖനനമേഖലയിൽ മലയുടെ വലിയൊരു ഭാഗം ഇടിഞ്ഞുവീണതാണ് അപകടത്തിന് കാരണം. ജില്ലാ ഭരണകൂടത്തിന്റെ നേതൃത്വത്തിൽ രക്ഷാപ്രവർത്തനം തുടരുന്നു.

Saddened by the unfortunate landslide accident in Dadam mining zone at Bhiwani. I am in constant touch with the local administration to ensure swift rescue operations and immediate assistance to the injured.

— Manohar Lal (@mlkhattar) January 1, 2022

രക്ഷാപ്രവർത്തനങ്ങൾ ഏകീകരിക്കുന്നതിനും പരിക്കേറ്റവർക്ക് അടിയന്തര സഹായം ഉറപ്പാക്കുന്നതിനുമായി പ്രാദേശിക ഭരണകൂടവുമായി നിരന്തരം ബന്ധപ്പെട്ടു കൊണ്ടിരിക്കുകയാണെന്ന് ഹരിയാന മുഖ്യമന്ത്രി മനോഹർ ലാൽ ഖട്ടർ അറിയിച്ചു. കുറച്ചു പേർ മണ്ണിടിച്ചിലിൽ മരണപ്പെട്ടുവെന്നും എന്നാൽ കൃത്യമായ കണക്കുകൾ ഇപ്പോൾ നൽകാനാവില്ലെന്നും കാർഷിക മന്ത്രി ജെ പി ദലാൽ പറഞ്ഞു.

Incident of a landslide in a mining quarry took place in Haryana's Bhiwani pic.twitter.com/d7d382RxrC

— ANI (@ANI) January 1, 2022