മുംബയ്: ഇന്ത്യയും പാകിസ്ഥാനും തങ്ങളുടെ ആണവോർജ്ജ സ്ഥാപനങ്ങളുടെയും സൗകര്യങ്ങളുടെയും പട്ടിക പരസ്പരം ഇന്നലെ കൈമാറി. ആണവ ആക്രമണങ്ങളിൽ നിന്ന് ഇരു രാജ്യങ്ങളെയും വിലക്കുന്നതിനുള്ള ഉഭയകക്ഷി ക്രമീകരണത്തിന്റെ ഭാഗമായി എല്ലാവർഷവും പുതുവത്സര ദിനത്തിൽ പ്രസ്തുത വിവരങ്ങൾ കൈമാറാറുണ്ട്. ആണവ വിവരങ്ങൾ കൈമാറണമെന്ന കരാർ 1988 ഡിസംബർ 31നാണ് ഒപ്പുവയ്ക്കുന്നത്. 1991 ജനുവരി 27ന് കരാർ പ്രാബല്യത്തിൽ വന്നു.