ന്യൂഡൽഹി:മദർ തേരേസ സ്ഥാപിച്ച മിഷണറീസ് ഓഫ് ചാരിറ്റിയുടെ വിദേശ സംഭാവന ലൈസൻസ് പുതുക്കാൻ കേന്ദ്രസർക്കാർ വിസമ്മതിച്ചതിന് പിന്നാലെ രാജ്യത്തെ ആറായിരത്തോളം എൻ. ജി.ഒകളുടെ വിദേശ സംഭാവനാ ലൈസൻസുകൾ റദ്ദാക്കി.

മിഷണറീസ് ഉൾപ്പെടെ 179 എൻ. ജി. ഒകളുടെ ലൈസൻസ് പുതുക്കാനുള്ള അപേക്ഷകൾ കേന്ദ്ര ആഭ്യന്തരമന്ത്രാലയം നേരത്തെ നിരസിച്ചിരുന്നു. പുതുക്കാനുള്ള

സമയപരിധിയായ 2021 ഡിസംബർ 31ന് മുമ്പ് അപേക്ഷ സമർപ്പിക്കാത്ത 5789 എൻ. ജി. ഒകളുടെ ലൈസൻസ് അടക്കം മൊത്തം 5933 എൻ. ജി. ഒകളുടെ ലൈസൻസാണ് റദ്ദായത്.

ഓക്‌സ് ഫാം ഇന്ത്യ,​ ജാമിയ മിലിയ ഇസ്ലാമിയ,​ ഇന്ത്യൻ മെഡിക്കൽ അസോസിയേഷൻ,​ ലെപ്രസി മിഷൻ,​ ട്യൂബ‌ർകുലോസിസ് അസോസിയേഷൻ ഓഫ് ഇന്ത്യ,​ ഇന്ദിരാഗാന്ധി നാഷണൽ സെന്റർ ഫോർ ആർട്സ്,​ ഇന്ത്യ ഇസ്ലാമിക് കൾച്ചർ സെന്റർ തുടങ്ങിയവ ലൈസൻസ് റദ്ദായവയിൽ ഉൾപ്പെടുന്നു.

12,​989 സംഘടനകൾ പുതുക്കാൻ അപേക്ഷിച്ചിട്ടുണ്ട്. പരിശോധനയ്ക്ക് സമയം എടുക്കുമെന്നതിനാൽ ഇവയുടെ കാലാവധി മാർച്ച് 31 വരെ നീട്ടിയിട്ടുണ്ട്.

കൊവിഡും വിദേശ സംഭാവനാ നിയന്ത്രണ നിയമത്തിൽ ( എഫ്. സി. ആർ. എ )​കടുത്ത വ്യവസ്ഥകൾ ഉൾപ്പെടുത്തിയ ഭേദഗതിയും കാരണം നിരവധി എൻ. ജി. ഒകൾക്ക് ലൈസൻസ് പുതുക്കൽ പ്രക്രിയ പൂർത്തിയാക്കാൻ കഴിഞ്ഞില്ല.

സ്റ്റേറ്റ് ബാങ്ക് ഓഫ് ഇന്ത്യയുടെ ഡൽഹി മെയിൻ ബ്രാഞ്ചിൽ എഫ്. സി. ആർ. എ അക്കൗണ്ട് നിർബന്ധമാക്കിയിരുന്നു. വാർഷിക റിട്ടേൺ സാമ്പത്തിക വർഷത്തെ ആദ്യത്തെ ഒൻപത് മാസത്തിനകം സമർപ്പിക്കണമെന്നതാണ് മറ്റൊരു വ്യവസ്ഥ.

മതപരിവർത്തനം ചുമത്തി

മിഷണറീസിനെതിരെ

വഡോദരയിലെ ചിൽഡ്രൻസ് ഹോമിൽ ക്രിസ്ത്യാനികളല്ലാത്ത കുട്ടികളെ ബൈബിൾ പഠിപ്പിക്കുന്നു

എല്ലാ കുട്ടികളെയും ഞായറാഴ്ച കുർബാനയിൽ നി‌ർബന്ധമായും പങ്കെടുപ്പിക്കുന്നു

മതപരിവർത്തന പരാതിയിൽ പൊലീസ് കേസെടുത്തു.പിന്നാലെയാണ് ലൈസൻസ് നിഷേധിച്ചത്. 250ലേറെ അക്കൗണ്ടുകൾ ക്രിസ്‌മസ് ദിനത്തിലാണ് മരവിപ്പിച്ചത്.

ജാർഖണ്ഡിലെ മിഷണറീസ് ഹോമിൽ പെൺകടത്ത്

പെൺകുട്ടികൾ പുറത്തുപോയി ഗർഭം ധരിച്ച് തിരികെ വന്ന് പ്രസവിക്കുന്നുവെന്ന് ആക്ഷേപം. അന്വേഷണം ആവശ്യപ്പെട്ട് 2020ൽ സുപ്രീംകോടതിയിൽ ഹർജി

ഓക്‌സ് ഫാം ഇന്ത്യ

62കോടി നഷ്‌ടമാകും

ആസ്‌ട്രേലിയ,​ ജർമ്മനി,​ ബ്രിട്ടൻ,​ നെതർലൻഡ്സ് ഓക്സ്‌ഫാം യൂണിറ്റുകളിൽ നിന്ന് കോടികളുടെ സംഭാവന

ലൈസൻസ് റദ്ദായതോടെ അക്കൗണ്ടിലെ 62കോടി നഷ്‌ടമാകും

ആദിവാസി,​ ദളിത്,​ മുസ്ലീം,​ വനിതാ ക്ഷേമ പ്രവർത്തനം നടത്തുന്നു

അസം,​ ബീഹാ‌ർ,​ ഛത്തീസ്ഗഡ്. ഒഡിഷ,​ യു. പി സംസ്ഥാനങ്ങളിൽ പത്ത് ലക്ഷം പേർക്ക് സഹായം

140 ചെറിയ എൻ. ജി. ഒകൾക്കും വിദ്യാഭ്യാസ സ്ഥാപനങ്ങൾക്കുമായി നാല് കോടി രൂപ നൽകി.

ദേ​ശീ​യ​ ​താ​ല്പ​ര്യ​ത്തി​ന് വി​രു​ദ്ധ​മാ​ക​രു​ത് ​

​ വി​ദേ​ശ​ ​സം​ഭാ​വ​ന​ ​നി​യ​ന്ത്ര​ണ​ ​നി​യ​മം​-​ 2010​ ​അ​നു​സ​രി​ച്ച് ​ഫ​ണ്ട് ​സ്വീ​ക​രി​ക്കു​ന്ന​ ​സം​ഘ​ട​ന​ക​ളോ​ ​സ്ഥാ​പ​ന​ങ്ങ​ളോ​ ​ദേ​ശീ​യ​ ​താ​ല്പ​ര്യ​ത്തി​ന് ​പ്ര​തി​കൂ​ല​മാ​യ​ ​പ്ര​വ​ർ​ത്ത​ന​ങ്ങ​ൾ​ക്ക് ​അ​ത് ​വി​നി​യോ​ഗി​ക്കാ​ൻ​ ​പാ​ടി​ല്ല.
 ഫ​ണ്ട് ​ന​ൽ​കു​ന്ന​ ​സം​ഘ​ട​ന​ക​ളോ​ ​വ്യ​ക്തി​ക​ളോ​ ​അ​ത് ​വി​നി​യോ​ഗി​ക്കു​ന്ന​ത് ​സം​ബ​ന്ധി​ച്ച​ ​സ​ത്യ​വാ​ങ്മൂ​ലം​ ​ന​ൽ​ക​ണം. ഇ​തേ​ ​ആ​വ​ശ്യ​ത്തി​ന് ​ത​ന്നെ​യാ​ണോ​ ​കി​ട്ടി​യ​ ​ഫ​ണ്ടു​ക​ൾ​ ​വി​നി​യോ​ഗി​ച്ച​തെ​ന്ന് ​ഫ​ണ്ട് ​സ്വീ​ക​രി​ച്ച​വ​ർ​ ​ഉ​റ​പ്പാ​ക്ക​ണം.
 സം​ഭാ​വ​ന​ ​വ്യ​ക്തി​ക​ളു​ടെ​യോ​ ​ഏ​തെ​ങ്കി​ലും​ ​വി​ഭാ​ഗ​ത്തി​ന്റെ​യോ​ ​രാ​ഷ്ട്ര​ത്തി​ന്റെ​യോ​ ​ജീ​വ​നോ​ ​സു​ര​ക്ഷ​യ്ക്കോ​ ​ഭീ​ഷ​ണി​യാ​ക​രു​ത്.