അഹമ്മദാബാദ്: എയർട്രാഫിക്​ കൺട്രോളറുടെ അനുമതിയില്ലാതെ സ്​പൈസ്​ ജെറ്റ്​ യാത്രക്കാരുമായി പറന്നുപൊങ്ങിയ സംഭവത്തിൽ ഡി.ജി.സി.എ അന്വേഷണം പ്രഖ്യാപിച്ചു. 2021 ഡിസം. 30ന്​ രാവിലെ 9.30ന് ഗുജറാത്തിലെ​ രാജ്​കോട്ട് വിമാനത്താവളത്തിലായിരുന്നു​ സംഭവം.രാജ്​കോട്ടിൽ നിന്ന്​ ഡൽഹിയിലേക്കുള്ള വിമാനമായിരുന്നു ഇത്. അന്വേഷ​ണം പൂർത്തിയാകുന്നതുവരെ വിമാനം പറത്തിയ പൈലറ്റുമാർ ജോലിയിൽ നിന്ന്​ വിട്ടുനിൽക്കുമെന്ന് സ്പൈസ് ജെറ്റ് വക്താവ് പറഞ്ഞു. റൺവേ സുരക്ഷിതമാണെങ്കിലും ടേക്ക് ഓഫ് ചെയ്യാനായി എ.ടി.സിയിൽ നിന്ന് അനുമതി ആവശ്യമാണ്. പറന്നുയരാനായി നാലു ഘട്ടങ്ങളിൽ പൈലറ്റുമാർക്ക്​ എ.ടി.സിയിൽ നിന്ന്​ അനുമതി ലഭിക്കണമെന്നാണ്​ നിയമം.