മൃഗങ്ങളും മനുഷ്യരും തമ്മിലുള്ള സ്നേഹ പ്രകടനം എപ്പോഴും സമൂഹമാദ്ധ്യമങ്ങളിൽ ശ്രദ്ധിക്കപ്പെടാറുണ്ട്. യജമാനനോട് സ്നേഹം കാണിക്കുന്നവരാണ് ഏറെപ്പേരും. എന്നാൽ,​ ഇവിടെ വഴിയരികിലെ ഒരു സ്‌നേഹ പ്രകടനമാണിപ്പോൾ വൈറലാകുന്നത്.

സ്വന്തമായി കിടപ്പാടമില്ലാതെ അലഞ്ഞു തിരിഞ്ഞു നടക്കുന്ന മനുഷ്യർ എല്ലായിടത്തും ഉണ്ട്. അത്തരത്തിൽ ഒരു കടത്തിണ്ണയിൽ ഇരിക്കുന്ന മനുഷ്യന്റെ അരികിലേക്ക് ഒരു നായ വരികയാണ്.

This dog approaches a homeless man and seems to know what he needs.. 🥺 pic.twitter.com/uGWL351fCR

— Buitengebieden (@buitengebieden_) December 30, 2021

വിഷമിച്ചിരിക്കുന്ന ആ മനുഷ്യനടുത്ത് ആദ്യം നായ വട്ടം ചുറ്റി നിൽക്കുന്നുണ്ടെങ്കിലും പെട്ടെന്ന് തന്നെ അനുവാദത്തിന് കാത്തു നിൽക്കാതെ ആ മനുഷ്യന്റെ മടിയിലേക്ക് കയറിയിരിക്കുകയാണ്.

ആദ്യം പ്രത്യേകിച്ച് ഒരു വികാരവും കാട്ടിയില്ലെങ്കിലും നായയുടെ സ്നേഹത്തിന് മുന്നിൽ അയാളുടെ മനസും അലിഞ്ഞു. മടിയിൽ കയറിയ നായയെ നെഞ്ചോട് ചേർക്കുകയാണ് അദ്ദേഹം. വീടില്ലാത്ത ആ മനുഷ്യന് വേണ്ടത് സ്നേഹമാണെന്ന് തിരിച്ചറിഞ്ഞ് നായ അത് കൊടുക്കുന്നുവെന്ന ക്യാപ്‌ഷനോടെയാണ് വീഡിയോ വൈറലാകുന്നത്.

എന്തായാലും ഇരുവരുടെയും സ്നേഹപ്രകടനത്തിന് മികച്ച പ്രതികരണമാണ് സോഷ്യൽമീഡിയയിൽ നിന്നും ലഭിക്കുന്നത്. ട്വിറ്ററിൽ മാത്രം ലക്ഷക്കണക്കിന് ആളുകളാണ് വീഡിയോ കണ്ടത്.