വാഷിംഗ്ടൺ: ടെസ്​ല സ്ഥാപകൻ ഇലോൺ മസ്കിന്റെ അക്കൗണ്ടിലേക്ക്​ ഒരു ദിവസം ഒഴുകിയെത്തിയത്​ 2.5 ലക്ഷം കോടിരൂപ. ടെസ്​ല ഓഹരികളുടെ വില കുതിച്ചതോടെയാണ്​ മസ്കിന്​ വൻ നേട്ടമുണ്ടായത്​. മസ്കിന്റെ ആസ്തി ഒരു ദിവസം 33.8 ബില്യൺ ഡോളറാണ്​ വർദ്ധിച്ചത്​. 304.2 ബില്യൺ ഡോളറാണ്​ കഴിഞ്ഞ ദിവസത്തെ മസ്കിന്റെ ആസ്തി.

ടെസ്​ലയുടെ ഓഹരികൾ 13.5 ശതമാനമാണ്​ ഉയർന്നത്​. 1199.78 ഡോളറാണ്​ ടെസ്​ല ​ഓഹരികളുടെ മൂല്യം. ടെസ്​ല വാഹനങ്ങളുടെ വിൽപന വർദ്ധിച്ചത്​ കമ്പനിക്ക്​ ഓഹരി വിപണിയിൽ ഗുണകരമായി. ടെസ്​ലയിൽ 18 ശതമാനം ഓഹരികളാണ്​ മസ്കിനുള്ളത്​. ഇത്​ 10ശതമാനമാക്കി കുറയ്ക്കുമെന്ന്​ മസ്ക്​ അറിയിച്ചിരുന്നു. ഇതുകൂടാതെ ടെസ്​ലയുടെ കീഴിൽ വരുന്ന സ്​പേസ്​ എക്സ്​ പോലുള്ള കമ്പനികളിലും ഇലോൺ മസ്കിന്​ ഓഹരി പങ്കാളിത്തമുണ്ട്​.