വയനാട്: വയനാട് പടിഞ്ഞാറത്തറയിലുള്ള സ്വകാര്യ റിസോർട്ടിൽ മയക്കുമരുന്ന് പാർട്ടി നടത്തിയ സംഭവത്തിൽ ടി പി വധക്കേസ് പ്രതി കിർമാണി മനോജ് ഉൾപ്പെടെ 15പേരെ പൊലീസ് കസ്റ്റഡിയിലെടുത്തു. കമ്പളക്കാട് മുഫ്സിൻ എന്ന ഗുണ്ടാ നേതാവിന്റെ വിവാഹ വാർഷിക ആഘോഷമായിരുന്നു റിസോർട്ടിൽ നടന്നത്. രഹസ്യ വിവരത്തെ തുടർന്നാണ് പൊലീസ് നടപടി.

പരിശോധനയിൽ അതിമാരക മയക്കുമരുന്നായ എംഡിഎംഎയും കഞ്ചാവും കണ്ടെത്തി. പിടിയിലായവരെല്ലാം ക്രിമിനൽ കേസുകളിലെ പ്രതികളും ക്വട്ടേഷൻ സംഘത്തിൽ ഉൾപ്പെട്ടവരുമാണെന്ന് പൊലീസ് അറിയിച്ചു. വയനാട് എസ്പിയുടെ നേതൃത്വത്തിലുള്ള സംഘമാണ് പ്രതികളെ പിടികൂടിയത്. ഇവരെ പടിഞ്ഞാറത്തറ പൊലീസ് സ്റ്റേഷനിലേയ്ക്ക് മാറ്റി അറസ്റ്റ് ഉടനെ രേഖപ്പെടുത്തും.