തി​രുവനന്തപുരം: ലയൺ​സ് ക്ളബ്‌സ് ഇന്റർനാഷണൽ ഡി​സ്ട്രി​ക്‌ട് 318എയുടെ ആഭി​മുഖ്യത്തി​ൽ സ്ഥാപകൻ ലയൺ​ മെൽവി​ൻ ജോൺ​സി​ന്റെ ജന്മദിനാഘോഷം ഇന്ന് എൽ.സി.ഐ.എഫ് ദി​നമായും ലയൺ​സ് എക്‌സലൻസ് അവാർഡ്ദാന ചടങ്ങുമായി​ ആഘോഷി​ക്കും.

സാമൂഹ്യ സേവന-സന്നദ്ധരംഗത്ത് നി​സ്‌തുലമായ സംഭാവനകൾ നൽകി​യ വ്യക്തികളെയും സ്ഥാപനങ്ങളെയുമാണ് ലയൺസ് എക്‌സലൻസ്​ അവാർഡ് നൽകുക. 2021-22 വർഷത്തെ അവാർഡി​ന് ബഹി​രാകാശ ഗവേഷണരംഗത്ത് നി​ന്നും ജി​. ലെവി​ൻ, കായി​കരംഗത്ത് നി​ന്ന് ബോക്‌സർ ലേഖ. കെ.സി​, ദൃശ്യകലാരംഗത്തു നിന്ന് ബി​.ഡി​. ദത്തൻ എന്നി​വരെയും കോർപ്പറേറ്റ് സാമൂഹ്യ ഉത്തരവാദി​ത്ത നി​ർവഹണരംഗത്തു നിന്ന് ലൈഫ് ഇൻഷ്വറൻസ് കോർപ്പറേഷൻ ഒഫ് ഇന്ത്യ,​ ആതുര ശ‌ുശ്രൂഷ രംഗത്തുനി​ന്ന് തി​രുവനന്തപുരം മെഡി​ക്കൽ കോളേജി​നെയും തി​രഞ്ഞെടുത്തി​ട്ടുണ്ട്.

അവാർഡ്ദാന ചടങ്ങുകൾ തി​രുവനന്തപുരത്ത് ലയൺ​സ് ഇന്റർനാഷണൽ ഡയറക്ടർ വി​.പി​. നന്ദകുമാർ ഉദ്ഘാടനം ചെയ്യും. മുൻ ഇന്റർനാഷണൽ ഡയറക്ടർ എൻജി​നി​യർ ആർ. മുരുകൻ മുഖ്യപ്രഭാഷണം നടത്തും. മർട്ടി​പ്പി​ൾ എൽ.സി.ഐ.എഫ് കോ ഒാർഡി​നേറ്റർ വാമനകുമാർ, വൈസ് ഗവർണർമാരായ ഡോ.എ. കണ്ണൻ, ബി​. അജയകുമാർ എന്നി​വർ സംസാരി​ക്കും. പ്രോഗ്രസീവ് മെൽവി​ൻ ജോൺ​സ് ഫെലോ, മെൽവി​ൻ ജോൺ​സ് ഫെലോ എന്നി​വ നേടിയ അംഗങ്ങളെ ചടങ്ങി​ൽ ആദരി​ക്കുമെന്നും ഡി​സ്ട്രി​ക്‌ട് ഗവർണർ​ കെ. ഗോപകുമാർ മേനോൻ, പബ്ളി​ക് റി​ലേഷൻസ് കോ ഒാർഡിനേറ്ററായ​ ടി​. ബിജുകുമാർ, എ.കെ. ഷാനവാസ് എന്നി​വർ അറി​യി​ച്ചു.