ഷെയ്ൻ നിഗം ,രേവതി എന്നിവരെ കേന്ദ്രകഥാപാത്രങ്ങളാക്കി രാഹുൽ സദാശിവൻ സംവിധാനം ചെയ്ത ഭൂതകാലം ജനുവരി 21ന് സോണി എൽ.ഐ.വി സ്ട്രീമിംഗിലൂടെ റിലീസ് ചെയ്യും. സൈജു കുറുപ്പ്, ജെയിംസ് ഏലിയ, ആതിര പട്ടേൽ, അഭിറാം രാധാകൃഷ്ണൻ, വത്സല മേനോൻ, മഞ്ജു പത്രോസ്, റിയാസ് നർമ്മകല എന്നിവരാണ് മറ്റു താരങ്ങൾ. പ്ലാൻ ടി ഫിലിംസും ഷെയ്ൻ നിഗം ഫിലിംസും സംയുക്തമായി നിർമ്മിച്ച്, അൻവർ റഷീദ് അവതരിപ്പിക്കുന്ന 'ഭൂതകാലം തെരേസ റാണിയും സുനില ഹബീബും ചേർന്നാണ് നിർമാണം. സംവിധായകൻ രാഹുൽ സദാശിവനും ശ്രീകുമാർ ശ്രേയസും ചേർന്നാണ് രചന.
ചിത്രത്തിലെ ഗാനരചനയും സംഗീത സംവിധാനവും ആലാപനവും ഷെയ്ൻ നിഗമാണ് നിർവഹിക്കുന്നത്.

പശ്ചാത്തല സംഗീതം: ഗോപി സുന്ദർ,ഛായാഗ്രഹണം: ഷഹനാദ് ജലാൽ,എഡിറ്റിംഗ്: ഷഫീഖ് മുഹമ്മദ്, പ്രൊഡക്ഷൻ ഡിസൈനർ: മനു ജഗദ്, എക്സിക്യൂട്ടീവ് പ്രൊഡ്യൂസർ: എ. ആർ. അൻസാർ, ഓഡിയോഗ്രഫി: എൻ.ആർ. രാജകൃഷ്ണൻ, സൗണ്ട് ഡിസൈൻ: വിക്കി കിഷൻ, കോസ്റ്റ്യൂസ്: സമീറ സനീഷ്, മേക്കപ്പ്: റോണക്സ് സേവ്യർ, പ്രൊഡക്ഷൻ കൺട്രോളർ: ബിനു മുരളി, പ്രൊഡക്ഷൻ എക്സിക്യൂട്ടീവ്: റിയാസ് പട്ടാമ്പി