പ്രണവ് നായകനായെത്തുന്ന ഹൃദയത്തിലെ പാട്ടുകളിൽ മോഹൻലാലിന് ഏറെ പ്രിയപ്പെട്ടത് ഉണക്കമുന്തിരി എന്ന പാട്ടാണെന്ന് വിനീത് ശ്രീനിവാസൻ. കൗമുദി മൂവീസിന് നൽകിയ അഭിമുഖത്തിലായിരുന്നു വിനീതിന്റെ വെളിപ്പെടുത്തൽ.

'ദർശന പാട്ടിറങ്ങിയ സമയത്ത് ലാലങ്കിൾ ഒരു തവണ ഫോണിൽ വിളിച്ച് നന്നായിട്ടുണ്ട്,​ നന്നായി ചെയ്‌തിട്ടുണ്ട് എന്ന് പറഞ്ഞു. ഞാൻ കുക്ക് ചെയ്യുമെന്ന് ലാലങ്കിളിന് അറിയാം. ഇന്ന് നീ എന്താ ഉണ്ടാക്കിയതെന്നായിരുന്നു അടുത്ത ചോദ്യം. ഉണക്കമുന്തിരി ലാലങ്കിളിന് ഭയങ്കര ഇഷ്‌ടമുള്ള പാട്ടാണെന്ന് സുചി ആന്റി പറഞ്ഞിട്ടുണ്ട്. വെരി നൈസ് സോംഗ്,​ നല്ല പാട്ടാണെന്ന് പറഞ്ഞ് ഒരിക്കൽ വോയ്‌സ് മെസേജ് ഇട്ടിരുന്നുവെന്നും വിനീത് പറഞ്ഞു.