ന്യൂഡൽഹി: ഒരു ദിവസത്തെ അവധിക്ക് ശേഷം ഓഹരി വിപണിയിൽ വ്യാപാരം തുടങ്ങിയത് നഷ്ടത്തോടെ. പ്രീ ഓപണിംഗ് സെഷനിൽ സെൻസെക്സ് 989.82 പോയിന്റ് ഇടിഞ്ഞ്, 56868.33 ലാണ് വ്യാപാരം ആരംഭിച്ചത്.

ദേശീയ ഓഹരി സൂചികയായ നിഫ്റ്റി 264 പോയിന്റ് താഴ്ന്ന് 16986.70 ത്തിലാണ് വ്യാപാരം തുടങ്ങിയത്. 603 ഓളം ഓഹരികൾ നേട്ടമുണ്ടാക്കി, എന്നാൽ 1524 ഓഹരികളുടെ മൂല്യം ഇടിഞ്ഞു. 99 ഓഹരികളിൽ മാറ്റമില്ല. ഏഷ്യൻ ഓഹരികൾ 14 മാസത്തിലെ ഏറ്റവും താഴ്ന്ന നിലയിലാണ് എത്തിയിരിക്കുന്നത്. അമേരിക്കയിൽ ഫെഡറൽ റിസർവ് ഘട്ടം ഘട്ടമായി പലിശ ഉയർത്താൻ തീരുമാനിച്ചതാണ് വിപണി ഇടിയാൻ കാരണം.

ബി എസ് ഇ മിഡ് ക്യാപ്, സ്മോൾ ക്യാപ് സൂചികകൾ രണ്ട് ശതമാനത്തോളം ഇടിഞ്ഞു. ടെക് മഹീന്ദ്ര,വിപ്രോ, നെസ്‌ലെ ഇന്ത്യ, ഗ്രാസിം ഇൻഡസ്ട്രീസ്, എച്ച്‌ഡിഎഫ്‌സി ബാങ്ക് എന്നിവയും കനത്ത നഷ്ടത്തിലാണ് വ്യാപാരം തുടങ്ങിയത്.