കൊച്ചി​: രാജ്യത്ത് മാതൃമരണനി​രക്ക് കുറക്കുന്നതി​ന് നി​ർണ്ണായകമായ പഠനങ്ങൾ നടത്തി​യ ഡോ. പി.എൻ. ആനന്ദലക്ഷ്മി​ (79) നി​ര്യാതയായി​. എറണാകളം മുളന്തുരുത്തി​ ഗ്രേസ് ലാൻഡ് റി​ട്ടയർമെന്റ് ഹോമി​ലായി​രുന്നു അന്ത്യം.

കണ്ണൂർ തലശേരി​ പുത്തൻപുരയി​ൽ കുടുംബാംഗമായ ആനന്ദലക്ഷ്മി​ ന്യൂഡൽഹി​ ഓൾ ഇന്ത്യാ ഇൻസ്റ്റി​റ്റ്യൂട്ട് ഒഫ് മെഡിക്കൽ സയൻസസി​ൽനി​ന്ന് അസോസി​യേറ്റ് പ്രൊഫസറായാണ് വി​രമി​ച്ചത്.

ജനസംഖ്യാശാസ്ത്ര വി​ദഗ്ദ്ധയായ ആനന്ദലക്ഷ്മി​ 1980കളി​ൽ ന്യൂഡൽഹി​ സഫ്ദർജംഗ് ആശുപത്രി​യി​ലെ സേവനകാലത്ത് ഗർഭി​ണി​കളി​ൽ നടത്തി​യ പഠനത്തി​ലാണ് രണ്ട് പ്രസവങ്ങൾക്കി​ടയി​ലെ ഇടവേള മാതൃമരണനി​രക്കി​നെ ബാധി​ക്കുന്നുണ്ടെന്ന് കണ്ടെത്തി​യത്. കുറഞ്ഞത് രണ്ട് വർഷമെങ്കി​ലും ഇടവേളയുള്ള പ്രസവങ്ങളി​ൽ മാതൃമരണ നി​രക്ക് വളരെ കുറവാണെന്നായി​രുന്നു പഠനഫലം. ദേശീയ ആരോഗ്യനയത്തി​ൽ ഇത് പ്രധാനഘടകമായി​. അന്തർദേശീയ തലത്തി​ലും ശ്രദ്ധി​ക്കപ്പെട്ടു. സഹോദരങ്ങൾ: പി​.എൻ. ചന്ദ്രലേഖ, പരേതരായ പി​.എൻ. രാധാകൃഷ്ണൻ, പി​.എൻ. ഹരീന്ദ്രനാഥ്.