കണ്ണൂർ: ധനരാജ് വധക്കേസിലെ പ്രതിയായ ആലക്കാട് ബിജുവിന് പരിക്കേറ്റത് ബോംബ് നിർമ്മാണത്തിനിടെ. ആർഎസ്എസ് പ്രവർത്തകനായ ഇയാളുടെ കൈപ്പത്തി തകർന്ന് രണ്ട് വിരലുകൾ സ്ഫോടനത്തിൽ അറ്റുപോയിരുന്നു.

സ്‌ഫോടനം നടന്ന വീട്ടിൽ ഉടൻ പെരിങ്ങോം എസ്.ഐയും സംഘവും എത്തിയെങ്കിലും അതിന്‌മുൻപുതന്നെ ബിജുവിനെ ഇവിടെ നിന്നും നീക്കിയിരുന്നതായാണ് വിവരം. ഗുരുതര പരിക്കേറ്റ ബിജു ഇപ്പോൾ കോഴിക്കോട് ആശുപത്രിയിൽ ചികിത്സയിലാണ്. പൊലീസ് സംഘം ഇവിടെത്തി. ബിജുവിന്റെ ഇടത്തേ കൈപത്തിയാണ് തകർന്ന് രണ്ട് വിരലുകൾ അറ്റു പോയത്. സംഭവത്തിൽ പെരിങ്ങോം പൊലീസ് അന്വേഷണം തുടരുകയാണ്.