അബുദാബി: യുഎഇക്ക് നേരെ വീണ്ടും ഹൂതി വിമതരുടെ ആക്രമണശ്രമം. രണ്ടാഴ്ചക്കിടെ മൂന്നാം തവണയാണ് അബുദാബിക്ക് നേരെ മിസൈൽ ആക്രമണം നടക്കുന്നത്.ഹൂതി വിമതർ അയച്ച ബാലിസ്റ്റിക് മിസൈൽ തടഞ്ഞ് നശിപ്പിച്ചതായി യുഎഇ പ്രതിരോധമന്ത്രാലയം വ്യക്തമാക്കി.
ഇസ്രയേല്‍ പ്രസിഡന്റിന്റെ സന്ദര്‍ശനം നടക്കുന്നതിനിടെയാണ് ഹൂതി വിമതരുടെ ആക്രമണശ്രമം. രണ്ട് ആഴ്ചകൾക്ക് മുമ്പ് അബുദാബിയിൽ ഹൂതി വിമതർ നടത്തിയ ആക്രമണത്തിൽ രണ്ട് ഇന്ത്യക്കാരടക്കം മൂന്ന് പേർ മരിക്കുകയും ആറുപേർക്ക് പരിക്കേൽക്കുകയും ചെയ്തിരുന്നു. കഴിഞ്ഞ ആഴ്ച ഹൂതി വിമതര്‍ അയച്ച രണ്ടു ബാലിസ്റ്റിക് മിസൈലുകൾ തകര്‍ത്തതായി യുഎഇ വ്യക്തമാക്കിയിരുന്നു.