പൊ​ന്നാ​നി: സു​ര​ക്ഷി​ത പാ​ത​യാ​ക്കാ​നു​ള്ള തീ​രു​മാ​നം ഫയലിൽ കുടുങ്ങിയതോടെ കു​റ്റി​പ്പു​റം - ​പൊ​ന്നാ​നി ദേ​ശീ​യ​പാ​ത കു​രു​തി​ക്ക​ള​മാ​യി മാ​റി. ക​ഴി​ഞ്ഞ വെ​ള്ളി​യാ​ഴ്​ച ഈ റോ​ഡിൽ ര​ണ്ട് പേ​രാ​ണ് അ​പ​ക​ട​ത്തിൽ മ​ര​ണ​മ​ട​ഞ്ഞ​ത്. ഈ​ഴു​വ​ത്തി​രു​ത്തി​യി​ലെ പ​ത്ര ഏ​ജന്റും ലോ​ട്ട​റി വിൽ​പ്പ​ന​ക്കാ​ര​നു​മാ​യ വ​ലി​യ​വീ​ട്ടിൽ ഷൺ​മു​ഖൻ ദേ​ശീ​യ​പാ​ത​യി​ലെ പാ​ക്ക​ത്ത​പ​റ​മ്പി​ലു​ള്ള വീ​ടി​ന​ടു​ത്ത് വ​ച്ചാ​ണ് വെ​ള്ളി​യാ​ഴ്​ച രാ​ത്രി കാ​റി​ടി​ച്ച് മ​രി​ച്ച​ത്. ക​ണ്ണേ​ങ്കാ​വ് പൂ​ര​ത്തി​ന് പോ​യി തി​രി​ച്ച് വ​ന്ന് സു​ഹൃ​ത്തി​ന്റെ ബൈ​ക്കിൽ നി​ന്നും ഇ​റ​ങ്ങി വീ​ട്ടി​ലേ​ക്ക് ന​ട​ക്കു​ന്ന​തി​നി​ട​യി​ലാ​ണ് തി​രൂർ ഭാ​ഗ​ത്തേ​ക്ക് പോ​വു​ക​യാ​യി​രു​ന്ന കാ​റി​ടി​ച്ച് അ​പ​ക​ട​മു​ണ്ടാ​യ​ത്. ഷൺ​മു​ഖ​നെ ഉ​ടൻ​ത​ന്നെ പൊ​ന്നാ​നി താ​ലൂ​ക്ക് ആ​ശു​പ​ത്രി​യി​ലെ​ത്തി​ച്ചെ​ങ്കി​ലും മ​ര​ണം സം​ഭ​വി​ച്ചി​രു​ന്നു. ആ​ന​പ്പ​ടി​യി​ലാ​യി​രു​ന്നു മ​റ്റൊ​ര​പ​ക​ടം. ടാ​ങ്കർ ലോ​റി​ക്ക് പി​ന്നിൽ കാ​റി​ടി​ച്ചാ​ണ് ക​ണ്ണൂർ സ്വ​ദേ​ശി ആ​ദി​ത്യ​ജ​യ​ച​ന്ദ്രൻ മ​ര​ണ​പ്പെ​ട്ട​ത്.
അ​പ​ക​ട​ങ്ങൾ പ​തി​വാ​കു​മ്പോ​ഴും കു​റ്റി​പ്പു​റം​ പൊ​ന്നാ​നി ദേ​ശീ​യ​പാ​ത​യിൽ വാ​ഹ​ന​ങ്ങ​ളു​ടെ വേ​ഗ​ത നി​യ​ന്ത്രി​ക്കു​ന്ന​തി​ന് സ്ഥി​രം സം​വി​ധാ​ന​മി​ല്ല. വാ​ഹ​ന​ങ്ങ​ളു​ടെ അ​മി​വേ​ഗ​മാ​ണ് പ​ല​പ്പോ​ഴും അ​പ​ക​ട​മു​ണ്ടാ​ക്കു​ന്ന​തെ​ന്ന് ക​ണ്ടെ​ത്തി​യി​ട്ടും വാ​ഹ​ന​ങ്ങ​ളു​ടെ വേ​ഗ​ത നി​യ​ന്ത്രി​ക്കാൻ ഫ​ല​പ്ര​ദ​മാ​യ ന​ട​പ​ടി​കൾ ഇ​തു​വ​രെ ഉ​ണ്ടാ​യി​ട്ടി​ല്ല. മ​ഴ​പെ​യ്​താൽ റോ​ഡി​ന്റെ പ്ര​ത​ല​ത്തിൽ വ​ഴു​ക്കൽ കൂ​ടു​ത​ലാ​ണെ​ന്ന് ഡ്രൈ​വർ​മാ​രും സാ​ക്ഷ്യ​പ്പെ​ടു​ത്തു​ന്നു​ണ്ട്. ഇ​തി​നൊ​ന്നും പ​രി​ഹാ​രം കാ​ണാൻ ഇ​തു​വ​രെ ന​ട​പ​ടി​യു​ണ്ടാ​യി​ട്ടി​ല്ല.

സം​സ്ഥാ​ന ട്രാൻ​സ്‌​പോർ​ട്ട് വ​കു​പ്പി​ന്റെ ഭാ​ഗ​മാ​യ സു​ര​ക്ഷി​ത പാ​ത (സേ​ഫ് കോ​റി​ഡോർ) പ​ദ്ധ​തി​യിൽ കു​റ്റി​പ്പു​റം​ പൊ​ന്നാ​നി പാ​ത​യെ ഉൾ​പ്പെ​ടു​ത്താൻ മുമ്പ് ജി​ല്ലാ റോ​ഡ് സു​ര​ക്ഷാ കൗൺ​സിൽ​യോ​ഗം തീ​രു​മാ​നി​ച്ചി​രു​ന്നു. റോ​ഡ​പ​ക​ട​ങ്ങൾ​ക്ക് പ​രി​ഹാ​രം കാ​ണു​ക​യാ​യി​രു​ന്നു ല​ക്ഷ്യം. എ​ന്നാൽ, തു​ടർ​ന​ട​പ​ടി​കൾ ഉ​ണ്ടാ​യി​ല്ല.
പൊ​ന്നാ​നി ആ​ന​പ്പ​ടി മു​തൽ കു​റ്റി​പ്പു​റം മി​നി​പ​മ്പ വ​രെ​യു​ള്ള 15.3 കി.മീ​റ്റർ വ​രു​ന്ന പാ​ത​യാ​ണ് സു​ര​ക്ഷി​ത പാ​ത പ​ദ്ധ​തി​യിൽ ഉൾ​പ്പെ​ടു​ത്താൻ തീ​രു​മാ​നി​ച്ച​ത്.
വാ​ഹ​ന​ങ്ങ​ളു​ടെ വേ​ഗ​ത ക​ണ്ടെ​ത്താൻ ഓ​രോ നാ​ല് കി​ലോ​മീ​റ്റ​റി​ലും സ്​പീ​ഡ് ക്യാ​മ​റ​കൾ സ്ഥാ​പി​ക്കാ​നും തീ​രു​മാ​നി​ച്ചി​രു​ന്നു. അ​പ​ക​ട​ത്തിൽ​പ്പെ​ടു​ന്ന​വർ​ക്ക് പ​രി​ച​ര​ണം നൽ​കു​ന്ന​തി​നാ​യി പ​ന്താ​പാ​ല​ത്തി​ന​ടു​ത്ത് 24 മ​ണി​ക്കൂ​റും പ്ര​വർ​ത്തി​ക്കു​ന്ന മെ​ഡി​ക്കൽ അ​ത്യാ​ഹി​ത ബൂ​ത്ത് സ്ഥാ​പി​ക്കാ​നും തീ​രു​മാ​നി​ച്ചി​രു​ന്നു.

സു​ര​ക്ഷി​ത പാ​ത പ​ദ്ധ​തി​യിൽ ഉൾ​പ്പെ​ടു​ത്തു​ന്ന ജി​ല്ല​യി​ലെ ആ​ദ്യ പാ​ത​കൂ​ടി​യാ​യി​രു​ന്നു ഇ​ത്. എ​ന്നാൽ, തീ​രു​മാ​ന​ങ്ങൾ കൈ​ക്കൊ​ണ്ട് മാ​സ​ങ്ങൾ പി​ന്നി​ട്ടെ​ങ്കി​ലും കാ​ര്യ​മാ​യി ഒ​ന്നും ന​ട​ന്നി​ല്ല. ഇ​ട​യ്​ക്ക് ന​ട​ക്കു​ന്ന ഇന്റർ​സെപ്റ്റർ ഉ​പ​യോ​ഗി​ച്ചു​ള്ള പ​രി​ശോ​ധ​ന​ മാ​ത്ര​മാ​ണ് വാ​ഹ​ന​ങ്ങ​ളു​ടെ വേ​ഗ​ത ക​ണ്ടെ​ത്താൻ ആ​കെ​യു​ള്ള​ത്. കു​റ്റി​പ്പു​റം ​ പൊ​ന്നാ​നി ദേ​ശീ​യ​പാ​ത യാ​ഥാർ​ത്ഥ്യ​മാ​യ​ശേ​ഷം മു​പ്പ​തോ​ളം പേ​രാ​ണ് അ​പ​ക​ട​ങ്ങ​ളിൽ മ​ര​ണ​പ്പെ​ട്ട​ത്.