പാലക്കാട്: സി.പി.എം ജില്ലാ സമ്മേളനത്തിന്റെ ഭാഗമായുള്ള പ്രതിനിധി സമ്മേളനത്തിൽ നേതൃത്വത്തിനെതിരെ രൂക്ഷ വിമർശനവുമായി പ്രതിനിധികൾ. സംസ്ഥാന കമ്മിറ്റി അംഗങ്ങൾക്കും ജില്ലാ നേതൃത്വത്തിനുമെതിരെയും പാർട്ടിയിലെ പ്രാദേശിക വിഭാഗീയത സബംന്ധിച്ചും വിമർശനമുണ്ടായി.നേ​താ​ക്ക​ൾ വ്യ​ക്തി​പ​ര​മാ​യ നേ​ട്ട​ങ്ങ​ൾ​ക്കാ​യി ആ​ളെ​ക്കൂ​ട്ടു​ന്നു. ജില്ലയിൽ നിന്നുള്ള സംസ്ഥാന കമ്മിറ്റിയംഗങ്ങളും വിഭാഗീയതയുടെ ഭാഗമാവുന്നു. ഒന്നിനും കൊള്ളാത്തതായി ജില്ലാ നേതൃത്വം മാറി.. ചില താത്പര്യങ്ങളുള്ള നേതാക്കളുടെ തോഴനായി ജില്ലാ സെക്രട്ടറി പ്രവർത്തിക്കുകയാണെന്നും വിമർശനമുയർന്നു.

കെ.ടി.ഡി.സി ചെയർമാനും ഷൊർണൂർ മുൻ എം.എൽ.എയുമായ പി.കെ.ശശിക്കെതിരെയും വിമർശനമുയർന്നു. പുതുശ്ശേരി, പട്ടാമ്പി ഏരിയാ കമ്മിറ്റി പ്രതിനിധികളാണ് ശശിക്കെതിരെ പ്രധാനമായും വിമർശനമുന്നയിച്ചത്. കെ.ടി.ഡി.സി ചെയർമാനായതിന് പി.കെ.ശശി പത്രങ്ങളിൽ പരസ്യം നൽകിയ കാര്യം ചൂണ്ടിക്കാട്ടിയായിരുന്നു വിമർശനം. ഡി.വൈ.എഫ്.ഐ വനിതാ നേതാവിന്റെ പീഡന പരാതിയെത്തുടർന്ന് പാർട്ടി അച്ചടക്ക നടപടി നേരിട്ട ശശിയെ പ്രതീക്ഷിച്ചതിലും വേഗത്തിൽ ജില്ലാ സെക്രട്ടേറിയറ്റിലേക്ക് തിരിച്ചെടുത്തതും ചർച്ചയായി. സ്ത്രീപക്ഷ നിലപാട് സ്വീകരിക്കുന്ന പാർട്ടിയെ സംബന്ധിച്ച് ജനങ്ങൾക്കിടയിൽ അവമതിപ്പുണ്ടാക്കാൻ അതിടയാക്കി. പാർട്ടിയെ പ്രതിരോധത്തിലാക്കിയ കണ്ണമ്പ്ര ഭൂമി ഇടപാടിൽ ജില്ലാ സെക്രട്ടേറിയറ്റംഗം സി.കെ.ചാമുണ്ണിയെ കൂടാതെ, ചാമുണ്ണിക്ക് മുകളിലുള്ളവർക്കും പങ്കുണ്ടെന്നായിരുന്നു വിമർശനം. ഒറ്റപ്പാലത്തെ സഹകരണ ബാങ്ക് അഴിമതിയിൽ കൂടുതൽ നടപടിയില്ലാതെ പോയതിനെയും പ്രതിനിധികൾ വിമർശിച്ചു. സർക്കാരിനെ പ്രതിരോധത്തിലാക്കുന്ന നീക്കം പൊലീസിൽ നിന്നുണ്ടാകുന്നു. യാതൊരു നിയന്ത്രണങ്ങളുമില്ലാത്ത വിധത്തിലാണ് പലയിടത്തെയും പൊലീസ് ഇടപെടലുകൾ.

പാലക്കാട്ടെ സി.​പി.​എ​മ്മി​ൽ പ്രാ​ദേ​ശി​ക വി​ഭാ​ഗീ​യ​ത രൂ​ക്ഷ​മാണെന്നാണ് പ്ര​വ​ർ​ത്ത​ന റി​പ്പോ​ർ​ട്ടി​ൽ വി​മ​ർ​ശനം​. സംഘർഷത്തിലേക്ക് കാര്യങ്ങളെത്തിയ പു​തു​ശ്ശേ​രി, കു​ഴ​ൽ​മ​ന്ദം ഏ​രി​യ ക​മ്മ​റ്റി​ക​ൾ​ക്കെ​തി​രെ​യാ​ണ് രൂ​ക്ഷ വി​മ​ർ​ശ​നം . കോ​ങ്ങാ​ട് എം.​എ​ൽ.​എ കെ. ശാ​ന്ത​കു​മാ​രി​യെ ഏ​രി​യ ക​മ്മിറ്റി​യി​ൽ ​നി​ന്ന്​ ഒ​ഴി​വാ​ക്കി​യതും,ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്റ് കെ.ബി​നു​മോ​ളെ ജി​ല്ലാ സ​മ്മേ​ള​ന പ്ര​തി​നി​ധി​യാ​ക്കാ​തെ പരാജയപ്പെടുത്തിയതും കടുത്ത വി​ഭാ​ഗീ​യ​തയുടെ ഭാഗമാണെന്നാണ് റിപ്പോർട്ട്.