അഗളി: പുതൂർ പഞ്ചായത്തിലെ താഴെമുള്ളിയിൽ സർക്കാർ സ്‌കൂൾ ക്വാർട്ടേഴ്സ് പരിസരത്തായി ദിവസങ്ങൾ പഴക്കം തോന്നിക്കുന്ന മദ്ധ്യവയസ്‌കന്റെ മൃതദേഹം പുഴുവരിച്ച നിലയിൽ കണ്ടെത്തി. താഴെമുള്ളി ഊരിലെ അവിവാഹിതനായ കൊങ്കരയുടെ മകൻ ദ്വെരൈ സ്വാമിയുടെ (55) മൃതദേഹമാണ് ഇന്നലെ രാവിലെ കണ്ടെത്തിയത്. കൂലിപണി ചെയ്തുവരുന്ന ഇയാൾ തനിച്ചാണ് താമസിക്കുന്നത്. അഗളി പൊലീസ് മൃതദേഹം ഇൻക്വസ്റ്റ് നടത്തി അഗളി സി.എച്ച്.സിയിലെ മോർച്ചറിയിലേക്ക് പോസ്റ്റ്‌മോർട്ടത്തിനായി അയച്ചു.