പത്തനംതിട്ട: എസ്.സി.എസ്.ടി ആനുപാതിക പ്രാതിനിധ്യ പ്രക്ഷോഭ സമിതിയുടെ നേതൃത്വത്തിൽ എയ്ഡഡ് വിദ്യാഭ്യാസ സ്ഥാപനങ്ങളിൽ പട്ടികജാതിവർഗ സംവരണം നടപ്പാക്കണമെന്ന് ആവശ്യപ്പെട്ട് മുഖ്യമന്ത്രിക്ക് ലക്ഷം പോസ്റ്റ് കാർഡ് അയയ്ക്കുന്നതിന്റെ ഭാഗമായി പത്തനംതിട്ട ഹെഡ് പോസ്റ്റാഫീസിന് മുമ്പിൽ ഭാരതീയ വേലൻ സർവീസ് സൊസൈറ്റിയും(ബി.വി.എസ്.എസ്), കേരള സാബവർ സൊസൈറ്റിയും(കെ.എസ്.എസ്.) ചേർന്ന് പോസ്റ്റ് കാർഡ് ക്യാമ്പയിൻ പരിപാടി നടത്തി. ഭാരതീയ വേലൻ സർവീസ് സൊസൈറ്റി സംസ്ഥാന പ്രസിഡന്റ് കെ.കെ.ശശി ഉദ്ഘാടനം ചെയ്തു. കെ.എസ്.എസ് ജില്ലാ പ്രസിഡന്റ് പി.കെ.രാമകൃഷ്ണൻ അദ്ധ്യക്ഷത വഹിച്ചു. പി.എൻ.പുരുഷോത്തമൻ മുഖ്യപ്രഭാഷണം നടത്തി.അനിൽ വി.പരിയാരം, ബിനുകുമാർ പന്തളം, കെ.എൻ.രാജൻ, വേണു മുളക്കഴ, സി.കെ.പ്രസാദ്, വി.കെ.ഉത്തമൻ ,മഞ്ജു ഏഴംകുളം, എന്നിവർ പ്രസംഗിച്ചു.