പത്തനംതിട്ട: നഗരസഭ 16, 18 വാർഡുകളിലെ പള്ളിപ്പടി മുക്കടപ്പുഴ റോഡ്, പ്ലാവേലി റോഡ്, പുരയിടത്തിൽ പടി, മാമ്പറ പടി, കാക്ക തോട്ടം എന്നീപ്രദേശങ്ങളിലെ കുടി​വെള്ള പ്രശ്നത്തി​ന് പരി​ഹാരം കാണാത്തതി​ൽ പ്രതി​ഷേധി​ച്ച് നഗരസഭാ ആരോഗ്യകാര്യ സ്ഥിരംസമിതി അദ്ധ്യക്ഷൻ ജെറി അലക്‌സ് ആത്മഹത്യാ ഭീഷണി മുഴക്കി. കുപ്പി​യി​ൽ മണ്ണെണ്ണയുമായി അസിസ്റ്റന്റ് എൻജിനീയറുടെ ഒാഫീസി​ലെത്തി​ തീകാെളുത്തി​ ആത്മഹത്യചെയ്യുമെന്നായി​രുന്നു ഭീഷണി​. പ്രതി​ഷേധത്തി​ൽ കൗൺസിലർമാരായ ലാലി രാജു, സുജ അജി, വിമല ശിവൻ എന്നിവർ പങ്കെടുത്തു. ഉടൻതന്നെ പൈപ്പുകൾ ശരിയാക്കി ജലവിതരണം സുഗമമാക്കുമെന്ന് അസിസ്റ്റന്റ് എൻജിനീയർ ഉറപ്പ് നൽകിയതിനെ തുടർന്ന് പ്രതി​ഷേധം അവസാനിപ്പിക്കുകയായി​രുന്നു.16,17,18 വാർഡുകളിലെ മൈലാടുംപാറ, തുണ്ടുവിള പടി, പനം തോപ്പ് കോളനി, അയത്തിൽപടി ഭാഗം, പള്ളികുഴി, കുമ്പഴക്കുഴി, പരുത്തിയാനിക്കൽ എന്നിവിടങ്ങളിലും മാസങ്ങളായി​ കുടി​വെള്ളം മുടങ്ങി​യി​രി​ക്കുകയാണ്. നി​രവധി​ തവണ പരാതി​പറഞ്ഞി​ട്ടും നടപടി​യുണ്ടായി​ട്ടി​ല്ലായെന്ന് ജെറി അലക്‌സ് പറഞ്ഞു.