ചെങ്ങന്നൂർ: മഹാദേവക്ഷേത്രത്തിലെ ഉത്സവത്തോടനുബന്ധിച്ച് ആനയൂട്ട് നടത്തി. തൃക്കടവൂർ ശിവരാജു ,ഓമല്ലൂർ മണികണ്ഠൻ, വെളിനെല്ലൂർ മണികണ്ഠൻ, ചിറക്കടവ് അയ്യപ്പൻ, ശരവണൻ ആനപ്രമ്പാൽ വിഘ്‌നേശ്വരൻ എന്നീ ഗജവീരൻന്മാർക്കാണ് ആനയൂട്ട് നടത്തിയത്. എട്ട് അങ്ങാടി കൂട്ട് ചേർത്ത് നിർമ്മിച്ച ചോറും പച്ചക്കറി, പഴവർഗങ്ങൾ എന്നീ വിഭവങ്ങൾ അടങ്ങിയവയായിരുന്നു ആനയൂട്ട്. ക്ഷേത്ര ഉപദേശകസമിതിയും ഭക്തജനങ്ങളും ചേർന്ന് ആനയൂട്ടിന് നേതൃത്വംവഹിച്ചു.