മല്ലപ്പള്ളി : നിയന്ത്രണംവിട്ട ബൈക്ക് മറിഞ്ഞ് ആനിക്കാട് പാലയ്ക്കാമണ്ണിൽ വീട്ടിൽ നൈനാന്റെ മകൻ വർഗീസ് നൈനാൻ (സണ്ണി- 55 ) മരിച്ചു. തിങ്കളാഴ്ച രാത്രി 9 മണിയോടെ തിരുവല്ല - മല്ലപ്പള്ളി റോഡിൽ കുന്നന്താനം ഏലിയാസ് ജംഗ്ഷന് സമീപമായിരുന്നു അപകടം. റോഡ് മുറിച്ചുകടന്ന യാത്രക്കാരനെ തട്ടി നിയന്ത്രണം വിട്ടാണ് ബൈക്ക് മറിഞ്ഞത്. പിൻസീറ്റിൽ ഇരിക്കുകയായിരുന്നു വർഗീസ് . തിരുവല്ലയിലെ സ്വകാര്യ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ബൈക്ക് ഓടിച്ച മല്ലപ്പള്ളി സ്വദേശി മൂലത്തുണ്ടിയിൽ സുജു മാത്യു,​ കാൽനടയാത്രക്കാരൻ എന്നിവർ പരിക്കുകളോടെ ആശുപത്രിയിൽ ചികിത്സയിലാണ്. വർഗീസിന്റെ സംസ്കാരം ഇന്ന് രാവിലെ 11 ന്പാതിക്കാട്ട് സെന്റ് പീറ്റേഴ്സ് സെന്റ് തോമസ് ഓർത്തഡോക്സ് പള്ളിയിൽ. ഭാര്യ - നിഷ, മക്കൾ- നീതു, പരേതനായ നിതിൻ