റാന്നി : ഇടമുറി ഗവ.ഹയർ സെക്കൻഡറി സ്‌കൂളിനെ സ്‌പോർട്സ് ഹബ്ബാക്കി മാറ്റാനുള്ള നൂതനാശയങ്ങളുമായി സ്‌കൂൾ പി.ടി.എ .അദ്ധ്യാപക രക്ഷാകർത്തൃ സമ്മേളനത്തിലാണ് പുതിയ ആശയം ഉരുത്തിരിഞ്ഞത്. ഹൈടെക് കെട്ടിടത്തിലേക്ക് അദ്ധ്യയനം മാറ്റുന്നതിനൊപ്പം കുട്ടികളെ മികവിന്റെ പാതയിലേക്ക് എത്തിക്കുകയെന്ന ലക്ഷ്യത്തോടെയാണ് പദ്ധതി നടപ്പിലാക്കുന്നത്. മുൻ അദ്ധ്യാപകർ,സ്‌പോർട്സ് രംഗത്ത് മികച്ച നേട്ടങ്ങൾ കൈവരിച്ച പൂർവവിദ്യാർത്ഥികൾ സന്നദ്ധ സംഘടനകൾ തുടങ്ങിവരുടെ പിന്തുണയോടെയും സഹായത്തോടെയുമാണ് ആശയം നടപ്പിലാക്കുന്നത്.വോളിബാൾ,ഫുട്‌ബാൾ,ക്രിക്കറ്റ്,കബഡി തുടങ്ങിയവയിൽ അഭിരുചിയുള്ള കുട്ടികൾക്ക് പരിശീലനം നൽകും. .എല്ലാ കുട്ടികളെയും പങ്കെടുപ്പിച്ചുള്ള കായിക പരിശീലനത്തിലൂടെ കുട്ടികളുടെ കഴിവുകളെ പ്രത്സാഹിപ്പിക്കാനുള്ള പദ്ധതിയാണ് ആസൂത്രണം ചെയ്യുന്നത്.മുൻകാലങ്ങളിൽ വോളിബാൾ മത്സരങ്ങളിൽ തുടർച്ചയായി മികവുകാട്ടിയിരുന്നത് ഇടമുറി സ്‌കൂളായിരുന്നു.

പി.ടി.എ യോഗം സ്‌കൂൾ പ്രിൻസിപ്പൽ കെ.കെ രാജീവ് ഉദ്ഘാടനം ചെയ്തു.എം.വി പ്രസന്നകുമാർ അദ്ധ്യക്ഷത വഹിച്ചു.പ്രഥമാദ്ധ്യാപിക കെ.പി അജിത , കോശിമാത്യു,വിജയകുമാർ,കെ.ജെ ഫിലിപ്പ്, ദിനേശ് കുമാർ എന്നിവർ പ്രസംഗിച്ചു. പി.ടി.എ ഭാരവാഹികളായി എം.വി പ്രസന്നകുമാർ (പ്രസിഡന്റ്), ഇ.കെ ബാബു(വൈസ് പ്രസിഡന്റ്) എന്നിവരെയും എം.പി.ടി.എ ഭാരവാഹികളായി ബിന്ദു സുനിൽ (പ്രസിഡന്റ്), അജിതാ രമേശ് (വൈസ് പ്രസിഡന്റ്) എന്നിവരെയും തിരഞ്ഞെടുത്തു.