പത്തനംതിട്ട : കൊവിഡ് ബാധിതരായ ആൾക്കാരുമായി പ്രാഥമിക സമ്പർക്കത്തിൽ വരുന്ന സർക്കാർ ജീവനക്കാർക്ക് അനുവദിച്ചിരുന്ന സ്‌പെഷ്യൽ കാഷ്വൽ ലീവ് പുനഃസ്ഥാപിക്കാൻ അടിയന്തര നടപടികൾ സ്വീകരിക്കണമെന്ന് ഫെഡറേഷൻ ഒഫ് എംപ്ലോയിസ് ആൻഡ് ടീച്ചേഴ്‌സ് ഓർഗനൈസേഷൻ ജില്ലാ പ്രസിഡന്റ് മനോജ് ബി. നായരും ജില്ലാ സെക്രട്ടറി എസ്. ഗിരീഷും ആവശ്യപ്പെട്ടു. കൊവിഡ് ബാധിതരുമായി പ്രാഥമിക സമ്പർക്കത്തിൽ വരുന്ന കേന്ദ്ര ജീവനക്കാർക്ക് അനുവദിച്ച മാതൃകയിൽ നിലവിലുണ്ടായിരുന്ന ഒരാഴ്ചത്തെ സ്‌പെഷ്യൽ ലീവ് സംസ്ഥാന സർക്കാർ അടിയന്തരമായി പുന:സ്ഥാപിക്കണമെന്നും ഫെറ്റോ ആവശ്യപ്പെട്ടു.