പത്തനംതിട്ട : ജില്ലയിലെ ജലക്ഷാമം പരിഹരിക്കുന്നതിൽ സർക്കാർ പരാജയപ്പെട്ടന്ന് കെ.പി.സി.സി നിർവാഹക സമിതി അംഗം ജോർജ് മാമ്മൻ കൊണ്ടൂർ പറഞ്ഞു.

ശുദ്ധജല വിതരണത്തിന് സർക്കാർ അനുമതിയില്ല. അഥവാ അനുമതി ലഭിച്ചാൽ ടാങ്കറിൽ വെള്ളം വിതരണം ചെയുന്നതിനുള്ള ഫണ്ട്‌ കണ്ടെത്താൻ തദ്ദേശ സ്ഥാപനങ്ങൾക്ക് കഴിയുന്നില്ല. കൊവിഡ് പ്രതിസന്ധി വന്നതോടെ പല പഞ്ചായത്തുകളും പുനരുദ്ധാരണ പ്രവർത്തനങ്ങൾക്ക് തനത് ഫണ്ട്‌ വക മാറ്റി. ഈ ഫണ്ടുകൾ പഞ്ചായത്തുകൾക്ക് തിരികെ നൽകേണ്ട ഉത്തരവാദിത്തം സംസ്ഥാന സർക്കാരിനുണ്ട്. ഇതിന് അലംഭാവം കാണിക്കുന്നത് ജനങ്ങളോടുള്ള വെളുവിളിയാണെന്ന് കൊണ്ടൂർ പറഞ്ഞു.