ഓടനാവട്ടം: വൈ.എം.സി.എയുടെ നേതൃത്വത്തിൽ നിർദ്ധന കാൻസർ രോഗികൾക്ക് ധനസഹായം നൽകി. യൂണിറ്റ് പ്രസിഡന്റ്‌ ഡാ. ജോർജ് തോമസ് അദ്ധ്യക്ഷത വഹിച്ചു. വൈ.എം.സി.എ ദേശീയ പ്രസിഡന്റ്‌ ജസ്റ്റിസ് ജെ.ബി. കോശി ചടങ്ങ് ഉദ്ഘാടനം ചെയ്തു. സംസ്ഥാന ചെയർമാൻ ജോസ് ഉമ്മൻ മുഖ്യ പ്രഭാഷണം നടത്തി. വെളിയം ഗ്രാമ പഞ്ചായത്ത്‌ പ്രസിഡന്റ്‌ ആർ. ബിനോജ് ധന സഹായ വിതരണോദ്‌ഘാടനം നിർവഹിച്ചു. എം. കുഞ്ഞച്ചൻ പരുത്തിയിറ, ഷേർളി സണ്ണി, കെ. ജോർജ് കുട്ടി തുടങ്ങിയവർ പ്രസംഗിച്ചു.