അഞ്ചൽ: അഞ്ചൽ ശബരിഗിരി ഹയർസെക്കൻഡറി സ്കൂളിൽ നടന്ന എൻ.എസ്.എസ് സപ്തദിന ക്യാമ്പ് സമാപിച്ചു. സമാപന സമ്മേളനം ജില്ലാ പഞ്ചായത്ത് അംഗം സി. അംബികാകുമാരി ഉദ്ഘാടനം ചെയ്തു. ശബരിഗിരി ഗ്രൂപ്പ് ചെയർമാൻ ഡോ. വി.കെ. ജയകുമാർ അദ്ധ്യക്ഷത വഹിച്ചു. എൻ.എസ്.എസ് വാളണ്ടിയർമാർ നിർമ്മിച്ച സീഡ് ബോൾ വൃക്ഷത്തൈ വിതരണം ജില്ലാ കൃഷിവകുപ്പ് റിട്ട. ജോയിന്റ് ഡയറക്ടർ വി. അനിതാമണി നിർവഹിച്ചു. വാ‌ർഡ് മെമ്പർ ജാസ്മിൻ മഞ്ചൂർ, ശബരിഗിരി സ്കൂൾ മാനേജർ എൻ. സുല, ഡയറക്ടർ ഡോ. ശബരീഷ് ജയകുമാർ, പ്രൻസിപ്പൽ വി.എസ്. ശ്രീദേവി, വൈസ് പ്രിൻസിപ്പൽ വി.ആർ. വീണ, എൻ. ദീപ, പ്രോഗ്രാം ഓഫീസർ ദിലീപ് തുടങ്ങിയവർ സംസാരിച്ചു.