അഞ്ചൽ: ഏരൂർ ഗ്രാമപഞ്ചായത്തിൽ 'മാലിന്യമുക്ത ഏരൂർ' പദ്ധതിയുടെ ഭാഗമായി ബയോബിൻ വിതരണത്തിന് തുടക്കമായി. പി.എസ്.സുപാൽ എം.എൽ.എ ഉദ്ഘാടനം ചെയ്തു.

ഗ്രാമപഞ്ചായത്ത് പ്രസിഡന്റ് ടി. അജയൻ അദ്ധ്യക്ഷത വഹിച്ചു. വികസനകാര്യ സ്റ്റാന്റിംഗ് കമ്മിറ്റി ചെയർമാൻ ജി.അജിത്, ആരോഗ്യ,​വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ ഷൈൻബാബു, ക്ഷേമകാര്യ സ്റ്റാന്റിംഗ് കമ്മിറ്റി ചെയർപേഴ്സൺ വി.രാജി, പഞ്ചായത്ത് അംഗങ്ങളായ മഞ്ജുലേഖ, അജിമോൾ, ഫൗസിയ ഷംനാദ്, പഞ്ചായത്ത് സെക്രട്ടറി എ. നൗഷാദ്, ഷിബു, സന്തോഷ് തുടങ്ങിയവർ സംസാരിച്ചു. 2021-22 സാമ്പത്തിക വർഷത്തിൽ രണ്ടായിരം കുടുംബങ്ങൾക്കാണ് ബയോബിൻ വിതരണം ചെയ്യുന്നത്. ശുചിത്വത്തിൽ ഏരൂർ ഗ്രാമപഞ്ചായത്തിനെ ജില്ലയിലെ മാതൃകാ ഗ്രാമപഞ്ചായത്താക്കാൻ കഴിഞ്ഞതായി പ്രസിഡന്റ് ടി. അജയൻ പറഞ്ഞു.