കൊല്ലം: ചിന്നക്കട റെയിൽവേ ഓവർബ്രിഡ്ജിന് സമീപം പാളത്തിൽ കോൺക്രീറ്റ് കഷ്ണം കണ്ടെത്തിയതിനെ തുടർന്ന് ട്രെയിൻ പിടിച്ചിട്ടു.

ഇന്നലെ രാത്രി പത്തോടെയായിരുന്നു സംഭവം. തി​രുവനന്തപുരത്തു നി​ന്ന് വരി​കയായി​രുന്ന കണ്ണൂർ എക്സ് പ്രസ് കൊല്ലം റെയിൽവേ സ്റ്റേഷനിൽ നിറുത്താൻ സാവധാനം വരുന്നതിനിടെ ട്രാക്കിൽ എന്തോ കിടക്കുന്നത് ലോക്കോ പൈലറ്റിന്റെ ശ്രദ്ധയിൽപ്പെട്ടു. ഉടൻ തന്നെ ട്രെയിൻ നിറുത്തി. അപകടം ഉണ്ടാക്കാൻ ആരോ കരുതി​ക്കൂട്ടി​ ചെയ്തതാണെന്നാണ് ആദ്യം കരുതിയത്. പിന്നീട് ആർ.പി.എഫ് സംഘമെത്തി നടത്തിയ പരിശോധനയിൽ ഓവർ ബ്രിഡ്ജിൽ നിന്നു ഇളകി വീണതാകാമെന്ന നിഗമനത്തിലെത്തി. ഏഴ് മിനിറ്റിന് ശേഷം ട്രെയിൻ പുറപ്പെട്ടു.