കൊട്ടാരക്കര: വാഹനാപകടത്തിൽ എൻജിനീയറായ യുവാവ് മരിച്ചു. കരിക്കം ബ്രൈറ്റ് ഹൗസിൽ മാത്യൂസ് തോമസ് (31) ആണ് മരിച്ചത്. ഇന്നലെ വൈകിട്ട് 4.15ന് എം.സി റോഡിൽ ലോവർ കരിക്കം കുരിശടി ജം​ഗ്ഷനിലായിരുന്നു അപകടം. വീട്ടിലേയ്ക്ക് തിരിഞ്ഞുപോകുന്നതിനു വേണ്ടി സ്കൂട്ടറിൽ റോഡ് മുറിച്ച് കടക്കുന്നതിനിടയിൽ ശബരിമല ദർശനം കഴിഞ്ഞ് ആന്ധ്രാപ്രദേശിലേക്ക് പോയ അയ്യപ്പഭക്തരുടെ വാഹനം ഇടിക്കുകയായിരുന്നു. ഉടനെ കൊട്ടാരക്കര താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം താലൂക്ക് ആശുപത്രി മോർച്ചറിയിൽ. ബാം​ഗ്ലൂരിൽ സോഫ്റ്റ് വെയർ എൻജിനീയറാണ്. ഒരുമാസം മുമ്പാണ് നാട്ടിലെത്തിയത്. ജോലി സ്ഥലത്തേക്ക് മടങ്ങിപോകാനുള്ള തയ്യാറെടുപ്പിലായിരുന്നു.

ഭാര്യ: അഞ്ജിത. മകൾ: 2 വയസുള്ള ആൻഡ്രിയ മാത്യൂസ്.