പരവൂർ: നഗരസഭയുടെ കീഴിലുള്ള, മുതലക്കുളത്തെ ഹരിതകർമസേനയുടെ പ്ലാസ്​റ്റിക് ഷ്രെഡിംഗ് യൂണിറ്റിൽ തീപിടിത്തം.

കഴിഞ്ഞ ദിവസം രാവിലെ 12.30നാണ് സംഭവം. പരവൂരിൽ നിന്നും കല്ലമ്പലത്തിൽ നിന്നും ഫയർഫോഴ്‌സുകളെത്തി രാവിലെയോടെയാണ് തീ കെടുത്തിയത്.

50 ലക്ഷത്തിന്റെ നഷ്ടമുണ്ടായതായി നഗരസഭ അറിയിച്ചു. പ്ലാസ്​റ്റിക് ശേഖരിച്ചു വച്ചിരുന്ന ഷെഡ് പൂർണമായും കത്തിനശിച്ചു. സമീപത്തെ ഷെഡിന് തീപിടിക്കാതിരുന്നതിനാൽ ദുരന്തമൊഴിവായി. ഷെഡിൽ ഉണ്ടായിരുന്ന യന്ത്റങ്ങളും മ​റ്റ് വൈദ്യുത ഉപകരണങ്ങളും പൂർണമായും കത്തിനശിച്ചു. പരവൂർ ഫയർ സ്​റ്റേഷൻ ഓഫീസർ ഡി.ഉല്ലാസ്, ഗ്രേഡ് അസിസ്​റ്റന്റ് സ്​റ്റേഷൻ ഓഫീസർ എ.അനിൽകുമാർ, സീനിയർ ഫയർ ഓഫിസർ ബി. ശ്രീകുമാർ, ഫയർ ഓഫീസർമാരായ സി.ഷാജി, ഒ.കിരൺ, എസ്.അനിൽകുമാർ, എസ്.അനൂപ്, എസ്.എം.ആദർശ്, ആർ.രതീഷ്, എ.ജെ.അംജിത്ത്, ഫയർ ഡ്രൈവർമാരായ വൈ.അബ്ബാസ്, കെ.എസ്.ഗിരീഷ്‌കുമാർ, ഹോംഗാർഡുമാരായ ജി.എസ്.സജേഷ്‌കുമാർ, കെ.തങ്കച്ചൻ എന്നിവർ ചേർന്നാണ് തീ കെടുത്തിയത്.