കരുനാഗപ്പള്ളി: ലഹരിക്കെതിരെ ചുവർചിത്ര രചനയുമായി എൻ.എസ്.എസ് കലാകാരന്മാർ. യുവതലമുറയെ ലഹരിയുടെ ലോകത്തുനിന്ന് മാറ്റിനിറുത്തുക, ജീവിതം തന്നെയാണ് ലഹരി എന്നീ ആശയങ്ങൾ മുൻനിറുത്തി കരുനാഗപ്പള്ളി എക്സൈസ് റേഞ്ച് ഓഫീസ് മതിലിലാണ് ചിത്രങ്ങൾ വരച്ചത്. ചവറ ബി.ജെ.എം ഗവ. കോളേജിലെയും ശാസ്താംകോട്ട ഡി.ബി കോളേജിലെയും 25 കലാകാരന്മാരാണ് കരുനാഗപ്പള്ളി റോട്ടറി മെയിൻ ക്ലബിന്റെ സഹകരണത്തോടെ ചുവർ ചിത്രരചന നടത്തിയത്. കരുനാഗപ്പള്ളി എക്സൈസ് സർക്കിൾ ഇൻസ്പെക്ടർ ശിവപ്രസാദ്, പ്രമുഖ സിനിമാ - സീരിയൽ താരം ജയകുമാർ എന്നിവർ ചേർന്ന് ചിത്രരചന ഉദ്ഘാടനം ചെയ്തു. എക്സൈസ് ഇൻസ്പെക്ടർ പ്രസന്നൻ അദ്ധ്യക്ഷനായി. എൻ.എസ്.എസ് ജില്ലാ കോ ഓഡിനേറ്ററും ചവറ കോളേജ് പ്രോഗ്രാം ഓഫീസറുമായ ഡോ. ഗോപകുമാർ, പ്രിവന്റീവ് ഓഫീസറും താലൂക്ക് വിമുക്തി കോ ഓർഡിനേറ്ററുമായ പി.എൽ. വിജിലാൽ, പ്രോഗ്രാം ഓഫീസർ ഡോ. ആർ. മിനിത,​ സിവിൽ എക്സൈസ് ഓഫീസർമാരായ ഹരിപ്രസാദ്, കിഷോർ, സന്തോഷ്, വനിതാ സിവിൽ എക്സൈസ് ഓഫീസർമാരായ റാസ്മിയ മോളി, എൻ.എസ്.എസ് വോളണ്ടിയർമാരായ പാർത്ഥൻ, പൂജ, മിഥുൻ, അവന്തിക, ആകാശ്, രാഹുൽ മിഥു, നിഥിൻ എന്നിവർ നേതൃത്വം നൽകി.