പുത്തൂർ: പരിസ്ഥിതി ദിനാചരണത്തിന്റെ ഭാഗമായി സാമൂഹ്യ വനവത്കരണത്തിനായി 3000 തൈകൾ ഉത്പാദിപ്പിക്കുന്ന നഴ്സറി നിർമ്മാണത്തിന്റെ ബ്ലോക്ക് പഞ്ചായത്ത് തല ഉദ്ഘാടനം വെട്ടിക്കവല ബ്ലോക്ക് പ്രസിഡന്റ് കെ. ഹർഷകുമാർ തൈ പാകി നിർവഹിച്ചു. പൂവറ്റൂർ ഗവ. എൽ.പി സ്കൂളിൽ നടന്ന ചടങ്ങിൽ കുളക്കട ഗ്രാമ പഞ്ചായത്ത് പ്രസിഡന്റ് അഡ്വ. പി.ടി. ഇന്ദുകമാർ അദ്ധ്യക്ഷനായി.

ബ്ലോക്ക് സെക്രട്ടറി വി.പി. അജയകുമാർ സ്വാഗതം പറഞ്ഞു. കുളക്കട ഗ്രാമ പഞ്ചായത്ത് വൈസ് പ്രസിഡന്റ് കവിത ഗോപകുമാർ, ജില്ലാ പഞ്ചായത്തംഗം ആർ.രശ്മി, ബ്ലോക്ക് സ്ഥിരം സമിതി അദ്ധ്യക്ഷൻ എസ്. രഞ്ജിത്ത് കുമാർ, ബ്ലോക്ക് മെമ്പർ എൻ. മോഹനൻ, ഗ്രാമ പഞ്ചായത്ത് സ്ഥിരം സമിതി അദ്ധ്യഷന്മാരായ കോട്ടയ്ക്കൽ രാജപ്പൻ, ടി. മഞ്ജു, ഗ്രാമ പഞ്ചായത്ത് അംഗങ്ങളായ മത്തിനാപ്പുഴ അജയൻ, ടി. ഗീത, പി.ബി. ബീന, സാലി മോൾ, ജോ. ബി.ഡി.ഒ സുമ, എം.ജി.എൻ.അർ.ഇ.ജി ബ്ലോക്ക് എ.ഇ എസ്.ആർ. അജീഷ്, ഗ്രാമ പഞ്ചായത്ത് എ.ഇ എസ്.ആർ. ബിന്ദു, ഓവർസിയർ അഖിൽ.എസ്.ആനന്ദ്, തൊഴിലുറപ്പ് തൊഴിലാളികൾ എന്നിവർ പങ്കെടുത്തു. രക്തചന്ദനം, ഈട്ടി, പൂവരശ്, മുള, മുരിങ്ങ, കണിക്കൊന്ന, കുടംപുളി, നെല്ലി, പേര, മാതളം, ശിതപ്പഴം എന്നിവയടക്കം പത്തൊൻപത് ഇനം തൈകളാണ് നഴ്സറിയിൽ മുളപ്പിച്ചെടുക്കുക.